- मंगलवार, कार्तिक २५ गते २०८३
TRENDING
धरान । धरानको चार कोशे जङ्गलमा एक युवतीको शव भेटिएको छ । पहिचान नखुलेकी युवतीको बेवारिसले शव भेटिएपछि शव पहिचान गर्न सहयोग गरिदिनु हुन ईलाका प्रहरी कार्यालय धरानले सार्वजनिक अपिल गरेको छ ।
सुनसरी धरान उपमहानगरपालिका-६ पाँचकन्या सामुदायिक वनमा तत्काल नामथर, वतन नखुलेको वेवारिसे महिलाको शव फेला परेको ईलाका प्रहरी कार्यालय धरनका डिएसपी प्रकास जबेगुले बताए । उनले शव पहिचानका लागि सहयोग गर्न कोशी प्रदेशका सबै नागरिक र प्रहरी कार्यालयहरूलाई अनुरोधसहितको अपिल गरिएको बताए ।
शव फेला परेकी युवती अन्दाजी ३० वर्षकी मंगोलियन अनुहारकी छन्। उनको नाकमा नत्था, कानमा टप लगाएकी, माथि सेतो खैरो सर्ट, तल निलो जिन्सको पाइन्ट लगाएकी, हातमा Bolano घडी र सेतो ब्रासलेट लगाएकी छन्। सेतो खैरो कलरको जुत्ता लगाएकी छन् । ती युवतीको कसैले जङ्गलमा ल्याएर हत्या गरेको हुन सक्ने डिएसपी जबेगुले बताए ।
युवतीको शव शल्य परीक्षणका लागि बीपी कोइराला स्वास्थ्य विज्ञान प्रतिष्ठानमा लगिएको छ । उनको पहिचान खुलेपछि परिवारका सदस्य बोलाएर शवको शल्य परीक्षण गरिने डिएसपी जबेगुले बताए । उनले घटनाको अनुसन्धान गर्न प्रहरी परिचालन गरिएको बताए ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
