मुग्लिन, २९ मंसिर । नेकपा माओवादी केन्द्र इच्छाकामनाले मुग्लिनमा शनिबार खबरदारी सभा सम्पन्न गरेको छ ।

बेतिथि भ्रष्ट्राचार र सरकारको जनविरोधी कदमविरुद्ध खबरदारी सभा आयोजना गरेको नेकपा माओवादी केन्द्रले जनाएको छ। नेकपा माओवादी केन्द्रका केन्द्रिय सदस्य इश्वरी भट्टराईको प्रमुख आतिथ्यतामा सभा सम्पन्न भएको हो ।

खबरदारी सभालाई सम्बोधन गर्नुहुदैँ केन्द्रिय सदस्य भट्टराईले अहिलेको सरकार भष्ट्रचारीलाई बचाउनका निम्ति बनेको आरोप लगाउनुभयो । अहिले पालिका स्तरमा खबरदारी सभा भएको र सरकारले भष्ट्रचारीलाई कारबाही नगरे नसच्चिए लाखौँ जनता उतारेर अझै ठूला ठूला खबर दारी सभा सिंहदरबार केन्द्रित गर्ने बताउनुभयो ।

अहिले पालिका स्तरमा खबरदारी सभाहरु भइरहेको छ, अझै भष्ट्रचारीलाई कारबाही नगरे लाखौँ जनताको साथमा अझै ठूलो खबरदारी लिएर सिंहदरबार जानेछौँ । उहाँले भन्नुभयो,“यो सरकार फेरिनेवाला छैन सच्चिनेवाला पनि छैन,अहिलेको सरकार भ्रष्टाचार छोप्न र आफ्नालाई जेल जानबाट बचाउन बनेको हो । ” 

कार्यक्रममा जिल्ला इन्चार्ज घनश्याम दाहाल अविनासले अहिलेको सरकार जनताको दुखको सारथी नभएको बताउनुभयो । मिटर ब्याजी र सहकारी पीडितलाई न्याय दिन सरकारले कुनै कदम नचालेको बताउनुभयो । बाढीपहिरोका बेला उद्धार र राहातमा सरकारले आफ्नो भुमिका निर्वाह गर्न नसकेको र माओवादी केन्द्रले उद्धार र राहातमा अग्रभागमा रहेर भूमिका निर्वाह गरेको बताउनुभयो ।

अहिले माओवादी केन्द्र तर्फ जनलहर बढेको उहाँको भनाई छ । स्थानीय तहको उपनिर्वाचनमा प्राप्त गरेको नतिजाले कांग्रेस एमाले एक्लै निर्वाचनमा जान सक्ने अवस्था नरहेको उहाँको भनाई छ । साथै उहाँले इच्छाकामनाका भूकम्पबाट विस्थापित भएकाहरुलाई विकल्प नदिई अहिले बसीरहेको स्थानबाट हटाए माओवादी केन्द्रले प्रतिवाद गर्ने चेतावनी दिनुभयो ।

उहाँले भन्नुभयो,“सरकारले सिमलढापमा बसीरहेको भूकम्प पीडित सुकुम्बासीलाई सो स्थानबाट हट्न पत्र काटेको छ, विकल्प नदिई सुकुम्बासी हटाएमा हाम्रो पार्टीले सशक्त प्रतिवाद गर्छ । ” कार्यक्रममा कवि कृष्णप्रसाद पोखरेलले कविता मार्फत खबरदारी गर्नुभएको थियो । जिल्ला सचिव दोर्णबाबु सिवाकोटीले अहिलेको सरकार कुशासनको चाङमा फसेको बताउनुृभयो ।

कार्यक्रममा इच्छाकामनाका इन्चार्ज प्रताप गुरुङ-मौसम_,इच्छाकामनाकी संयोजक सावित्रा सिलवाल लगायतले मन्तव्य राख्नुभएको थियो । कार्यक्रम इच्छाकामनाका सचिव रामहरि कडेँलले सञ्चालन गर्नुभएको थियो ।