- शनिवार, आश्विन ३ गते २०८३
TRENDING
चितवन । प्रहरीले नारायणगढ–मुग्लिन सडक खण्डअन्तर्गत चितवनको भरतपुर महानगरपालिका–२९ सिमलतालबाट मालबाहक ट्रक त्रिशूली नदीमा खसेको घटना शंकास्पद रहेको जनाएको छ ।
तेल बोकेर काठमाण्डु आइरहेको ना६ख ६२८३ नम्बरको ट्रक २९ किलो भन्ने स्थानबाट आइतबार बिहान त्रिशूलीमा खसेको थियो ।
चितवन प्रहरीका डिएसपी भेषराज रिजालले घटना शंकास्पद रहेको बताए । घटनापछि चालक र सह–चालक फरार छन् । स्थानीयले प्रहरीमा दिएको जानकारीअनुसार शनिबार राति उक्त ट्रक दुर्घटनास्थल नजिकै रोकिएको थियो ।
बिहानपख ट्रक त्रिशूलीमा खसालेर चालक र सह–चालक भागेको हुन सक्ने आशंका प्रहरीको छ । डिएसपी रिजालले ट्रक नदी किनारमा रहेको र चालक र सह–चालक नभेटिएकाले शंका उत्पन्न भएको बताए । उनका अनुसार घटनाको प्रकृतिअनुसार चालक र सह–चालक नदीमा डुबेको जस्तो देखिँदैन ।
रिजालले ट्रक चालक र सहचालकको मोबाइलको स्वीच पनि अफ रहेको बताए । ‘घटना शंकास्पद छ’, रिजालले भने, ‘हामी अनुसन्धान गरिरहेका छौं ।’
तस्वीर: विनोद श्रेष्ठ/मुग्लिङ बजार फेसबुक पेजबाट
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
