तनहुँको म्याग्देमा घुम्ति शिविर दोश्रो दिन स्वास्थ्य सेवाबाट ३५४ जना लाभान्वित

इच्छाकामना न्युज

२३, फाल्गुण २०८०

तनहुँको म्याग्देमा घुम्ति शिविर दोश्रो दिन स्वास्थ्य सेवाबाट ३५४ जना लाभान्वित

तनहुँ । म्याग्दे गाँउपालिकाद्वारा संचालित घुम्ति शिविरको दोश्रो दिन स्वास्थ्य सेवावाट ३५४ जना लाभान्वित छन् । स्वच्छ, सभ्य, समृद्ध म्याग्देको आधार ः कृषि, पर्यटन र पुर्वाधारलाई मुल आधार वनाएको म्याग्दे गाँउपालिकाले एकिकृत घुम्ती शिविर शुरु गरेको घुम्ति शिविरमा ३५४ जनालाई स्वास्थ्य सेवा दिईएको हो । जसमा १५८ जना पुरुष र १९६ जना महिला रहेका छन् ।

स्वास्थ्य सेवा अन्तरगत समान्य स्वास्थ्य सेवा ३२२ जनाले सेवा दिएका छन् भने सुगर परिक्षण १८१ जनाको गरिएको छ । यसैगरि ईम्पलाण्ट सेवा ३ जना, टिभि स्क्रिनिङ्क सेवा ३२ जनाले लिएका छन् । यसैगरि आयुर्वेद्ध तर्फ १०३ जनाले सेवा लिएको सेवाका प्रमुख डा, विनय तिलकराज घिमिरेले वताए ।

वडाको टोल स्तरमा संचालन हुने घुम्ति शिविर फागुण २१ र २२ गते वडा नं ३ मा, २३ र २४ गते वडा नं ४ मा,२७ र २९ गते वडा नं ५ मा, फागुण ३० र चैत्र १ गते वडा नं ६ मा, चैत्र २ र ४ गते वडा नं ७ मा, चैत्र ५ र ६ गते वडा नं १ मा र चैत्र ७ र ८ गते वडा नं २ मा एकीकृत घुम्ति शिविर संचालन हुनेछ । शिविरमा स्वास्थ्य परिक्षण, वीउ विजन तथा पशु वन्ध्याकरण, पशुको चेकजाँच तथा औषधी वितरण, पन्जिकरण शाखा अन्तरगतका जन्मदर्ता, मृत्यृ दर्ता, अपाङ्गता परिचय पत्र, वृद्धवृद्धालाई परिचयपत्र, योजना सम्झौता, उद्योग दर्ता, आयुर्वेद औषधी वितरण लगायत सम्पुर्ण सेवा उपलव्ध हुने पालिकाले जनाएको छ ।

पालिकाभित्रका ७ वटै वडाका टोलस्तरमा संचालन हुने शिविर चैत्र ८ गते सम्म चल्नेछ ।