कुरिनटार ।  चितवनको  इच्छकामनामा पनि २९ औँ जनयुद्ध दिवस विभिन्न कार्यक्रम गरि मनाइएको छ । इच्छाकामना गाउँ कमिटीको आयोजनामा इच्छाकामना ४ स्थित गैरी गाउँमा सम्मान तथा कविता वाचन कार्यक्रम गरि जनयुद्ध दिवस मनाइएको हो ।  
दिवसको अवसरमा पार्टी संगठनलाई योगदान पु¥याउने, सहिद वेपत्ता परिवार ,अपाङ्ग   जनमुक्ति सेनाका  घाइते, जेल तथा हिरासतमा  जिवन विताएकाहरुलाई सम्मान गरिएको हो । उनिहरुलाई खदा र प्रमाणपत्रका साथ सम्मान गरिएको हो । कार्यक्रममा  इच्छाकामना साहित्य प्रवाहका कविहरु कृष्णप्रसाद पोखरेल, रामजी त्रिपाठी, रामनाथ त्रिपाठी, लगायतले जनयुद्धको उपलब्धी बारे कविता  वाचन गरेका थिए । 

नेकपा माओवादी केन्द्र वागमती प्रदेशका सचिवालय सदस्य प्रताप गुरुङको प्रमुख अतिथि तथा गाउँ कमिटी अध्यक्ष सावित्रा सिलवालको अध्यक्षतामा कार्यक्रम सम्पन्न भएको हो । कार्यक्रममा वागमती  प्रदेश सल्लाहकार समितिका सदस्य  गोवद्र्धन अधिकारी लगायतको आतिथ्यता रहेका थिए ।  कार्यक्रम हरि बहादुर थापाले सञ्चालन गरेका थिए ।  

  नेकपा माओवादी केन्द्रले  हरेक बर्ष फागुन १ गते  जनयुद्ध दिवस मनाउँदै आएका छन् ।  २०५२ साल फागुन १ गतेबाट सुरू भएको जनयुद्ध २०६३ मंसिर ५ गते विस्तृत शान्ति सम्झौतामा रूपान्तरण भएको थियो। त्यही जनयुद्धको जगमा नेपालमा राजनीतिक परिवर्तन सम्भव भएको थियो भने गणतन्त्र, संघीय प्रणाली, समावेशी लोकतन्त्र, सामाजिक न्यायजस्ता उपलब्धि जनयुद्ध र जनआन्दोलनको बलमा नै स्थापित भएका थिए।

जनयुद्ध दिवसका अवसरमा  आज देशका विभिन्न स्थानिय तहहरुले सार्वजनिक विदा समेत दिएका थिए । जनयुद्ध दिवसमा  संघिय सरकारले सार्वजनिक  विदा दिने निर्णय गरेपनि सर्वोच्च अदालतले बदर गरेका थिए ।