कोजाग्रत पूर्णिमामा राष्ट्रपति पौडेलद्वारा भक्तपुरको प्रसिद्ध नवदुर्गा मन्दिरमा पूजाअर्चना

इच्छाकामना न्युज

९, कार्तिक २०८३

कोजाग्रत पूर्णिमामा राष्ट्रपति पौडेलद्वारा भक्तपुरको प्रसिद्ध नवदुर्गा मन्दिरमा पूजाअर्चना

काठमाडौं। बडादशैँको अन्तिम दिन कोजाग्रत पूर्णिमाको अवसर पारेर राष्ट्रपति रामचन्द्र पौडेलले आईतवार भक्तपुरस्थित ऐतिहासिक तथा प्रसिद्ध नवदुर्गा मन्दिरमा पुगी विधिपूर्वक पूजाअर्चना गर्नुभएको छ । प्रथम महिला सविता पौडेलसहित मन्दिर पुग्नुभएका राष्ट्रपतिले नवदुर्गा भवानीको दर्शन गर्नुका साथै ऐतिहासिक तलेजु मन्दिरबाट ल्याइएको प्रसाद र टीका ग्रहण गर्नुभएको हो ।

बडादशैँको समापनको दिन कोजाग्रत पूर्णिमामा राष्ट्रप्रमुखले भक्तपुरको प्रसिद्ध नवदुर्गा मन्दिरमा उपस्थित भएर पूजाअर्चना तथा दर्शन गर्ने लामो ऐतिहासिक एवं सांस्कृतिक परम्परा रहिआएको छ । सोही परम्परालाई निरन्तरता दिँदै राष्ट्रपति पौडेल अपरान्ह भक्तपुर पुग्नुभएको हो । मन्दिर परिसरमा पुग्दा उहाँलाई मन्दिर व्यवस्थापन समितिका पदाधिकारीहरू, भक्तपुर जिल्ला सुरक्षा समितिका अधिकारीहरू, स्थानीय जनप्रतिनिधि तथा सर्वसाधारणले भव्य स्वागत गरेका थिए ।

पूजाअर्चनाको अवसरमा मन्दिर परिसरमा परम्परागत नवदुर्गा नाच तथा सांस्कृतिक नृत्यसमेत प्रश्तुत गरिएको थियो । राष्ट्रपति पौडेलले व्रह्मायणी,महेश्वरी,कुमारी,वैष्णवी, वाराही, महाकाली, महालक्ष्मी, त्रिपुरासुन्दरी र भद्रकाली लगायत नवदेवी देवगणका मूर्तिहरूको विशेष अवलोकन तथा दर्शन गर्नुभएको थियो । सो क्रममा उहाँले नवदुर्गाका पुजारी,मूल नाइके तथा देवगणहरूलाई परम्परागत दक्षिणा प्रदान गर्नुभएको थियो । त्यसैगरी मन्दिरका मूल नाइकेले राष्ट्रपति पौडेललाई ऐतिहासिक तलेजु भवानीको मन्दिरबाट ल्याइएको जमरा, रातो टीका तथा विशेष प्रसाद प्रदान गर्नुभएको थियो ।

प्रकाशित मिति :कार्तिक ९, २०८३ आइतवार - १६:२४:३२ बजे

इच्छाकामना न्युज

इच्छाकामना ब्रोडकाष्टिङ मिडिया प्रा. लि. द्वारा संचालित डिजिटल अनलाईन पत्रिका इच्छाकामना न्युज डटकम २०७४ साल जेठ देखि संचालनमा रहेको नेपाली भाषाको अनलाईन न्युज पोर्टल हो। ‘अब गाउँको खबर विश्वभर...’ भन्ने अभियानका साथ संचालित इच्छाकामना न्युज अनलाईन चितवनको इच्छाकामना गाउँपालिकाबाट संचालित पहिलो अनलाईन पनि हो। विशेष गरेर चितवनको इच्छाकामना गाउँपालिका सहित आसपासका स्थानीय तहहरु गोरखाको शहिद लखन र गण्डकी, तनहुँको आँबुखैरेनी र देवघाटका साथै धादिङको बेनिघाट रोराङ गाउँपालिकाको स्थानीय सरकारका गतिविधिका साथै विकास निर्माण, सुरक्षा, अपराध, कृषी, पर्यटन, सडक, विज्ञान–प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचारहरु हामी प्राथमिकताका साथ प्रकाशन गर्ने गर्छौ।

कोजाग्रत पूर्णिमामा राष्ट्रपति पौडेलद्वारा भक्तपुरको प्रसिद्ध नवदुर्गा मन्दिरमा पूजाअर्चना

कोजाग्रत पूर्णिमामा राष्ट्रपति पौडेलद्वारा भक्तपुरको प्रसिद्ध नवदुर्गा मन्दिरमा पूजाअर्चना

इच्छाकामना न्युज

९, कार्तिक २०८३

इच्छाकामना न्युज

लेखकबाट थप

पर्वमा पारिवारिक भेटघाटलाई थाति राख्द्रै जनताका समस्या सुन्न व्यस्त मन्त्री सोविता गौतम

प्रकृतिको स्वर्ग रारा

काठमाडौंलाई दौडिएर मात्र होइन,महसुस गरेर अपनत्व लिनुपर्छ : सुनिता डंगोल

एनपीएलमा सुरक्षा : दैनिक हजार बढी प्रहरी परिचालन

एनपिएल–३ : नेपाली प्रतिभाको संघर्षबीच चम्कदै विदेशी ‘स्टार’

सुनको मूल्य ११ हजार ६०० रुपैयाँले घट्यो

आश्विन शुक्ल पूर्णिमा : नवदुर्गाको प्रसाद र आशीर्वाद थाप्ने आज अन्तिम दिन

त्रिशूली नदीको बाढीले पुल बगाएपछि मलेखुको झोलुङ्गे पुललाई वैकल्पिक मार्गमा प्रयोग

कथावाचनबाट अभिनयसम्म साइग्रेस पोखरेलको यात्रा,‘आ बाट आमा २’ मा देखियो अभिनय क्षमताको नयाँ आयाम

पर्वमा पारिवारिक भेटघाटलाई थाति राख्द्रै जनताका समस्या सुन्न व्यस्त मन्त्री सोविता गौतम

कोजाग्रत पूर्णिमामा राष्ट्रपति पौडेलद्वारा भक्तपुरको प्रसिद्ध नवदुर्गा मन्दिरमा पूजाअर्चना

प्रकृतिको स्वर्ग रारा

काठमाडौंलाई दौडिएर मात्र होइन,महसुस गरेर अपनत्व लिनुपर्छ : सुनिता डंगोल

एनपीएलमा सुरक्षा : दैनिक हजार बढी प्रहरी परिचालन