स्याङ्गजाको फेदिखोलामा उपाध्यासँग सुत्केरी पोषण कार्यक्रम शुभारम्भ

इच्छाकामना न्युज

१५, माघ २०८०

स्याङ्गजाको फेदिखोलामा उपाध्यासँग सुत्केरी पोषण कार्यक्रम शुभारम्भ

स्याङजा । स्याङजाको फेदीखोला गाउँपालिकामा उपाध्यक्ष सँग सुत्केरी पोषण कार्यक्रम–२०८० शुभारम्भ भएको छ । पालिका भरी गत श्रावण देखि हाल सम्म ५६ जना सुत्केरी आमाहरु रहेको र उनीहरुको घर–घरमा गएर पोषण खानेकुरा बितरण गरेको गाउँपालिका उपाध्यक्ष देउकुमारी गुरुङले बताए । आज गाउँपालिका अन्तर्गत वडा नं. ३ र ५ नम्बर वडामा रहेका सुत्केरी आमा, शिशु र परिवारलाई स्वास्थ्यकर्मीको टिम सहित प्रत्यक्ष भेटघाट गरेको उनले बताए ।

गाउँपालिकाका स्वास्थ्य प्रमुख खिलप्रसाद पौडेल लगायतको टिमले आमा तथा शिशुको स्वास्थ्य जाँच गरेका थिए भने आमाले आईरन चक्की खाए नखाएको, बच्चालाई नियमित खोप लगाए नलगाएको, नियमित तौल लिए नलिएको, पुर्ण स्तनपान गराए नगराएको, बच्चा र आमालाई थप आहाराको बारेमा जानकारी र व्यवहारमा उतार गरे नगरेको, बच्चा पुगेको दम्पतीले फ्यामिलि प्लानिङको बारेमा के सोंच बनाएको छ र सामान्यतया स्वास्थ्य सरसफाइमा ध्यान राख्नु पर्ने ईत्यादी विषयमा पनि सु–सुचित गरि छालफल समेत गरेका थिए ।

शुभारम्भको पहिलो दिन ९ घरमा पुगेर चामल, दाल, नुन, नुहाउने साबुन, टुथपेस्ट, ब्रस, फलफुल र घिउ बितरण गरेका थिए भने बाँकी घरमा पनि आगामी दिनमा पुगेर वितरण गर्ने उपाध्यक्ष देउकुमारी गुरुङले बताए ।