मुग्लिन, ८ माघ । प्रधानमन्त्री केपी शर्मा ओलीले गरेको प्रतिनिधी सभा विघटन अंसवैधानिक भन्दै आन्दोलन गरिरहेको कांग्रेसले चितवनको इच्छाकामना गाउँपालिका र तनहुँको आँबुखैरेनी गाउँपालिकाको सबै वडामा विरोध प्रदर्शन गरेको छ। इच्छाकामना गाउँपालिकाको ७ वटा वडा र आँबुखैरेनीको ६ वटा वडामा कांग्रेसले आज विरोध प्रदर्शन गरेको हो। 

इच्छाकामना गाउँपालिकाको वडा नं. १ को हात्तिवाङ, वडा नं. २ को काउँले ढाप, वडा नं. ३ मा कुरिनघाट, वडा नं. ४ को कुरिनटार, वडा नं. ५ को मुग्लिन बजार, वडा नं. ६ को ढुङ्ग्रे र वडा नं. ७ को पिपलटारमा विरोध प्रदर्शन गरेको छ। नेपाली कांग्रेसले सरकार विरुद्ध प्रदर्शनको लागि इच्छाकामनाका ७ वटै वडामा प्रतिनिधी तोकेर तयारी गरेको थियो। जस अनुसार इच्छाकामना गाउँपालिकाको वडा नं. १ मा राम बहादुर लामा, वडा नं. २ मा दिपक खनाल, वडा नं. ३ मा वासु सिलवाल, वडा नं. ४ मा मोदराज सिलवाल, वडा नं. ५ मा गीता कुमारी गुरुङ, वडा नं. ६ मा विष्णु कुवँर र वडा नं. ७ मा निलकण्ठ रिजाललाई जिम्मेवारी तोकेको थियो। 

यसैबिच इच्छाकामना गाउँपालिका वडा नं. ४ का ३८ जना नेकपा छोडि नेपाली कांग्रेस प्रवेश गरेको छ। उनीहरु कांग्रेसले आज कुरिनटारमा गरेको विरोध सभाबाट नेपाली कांग्रेसमा प्रवेश गरेको कांग्रेस इच्छाकामनाका सभापति कृतिकुमार श्रेष्ठले जानकारी दिनुभयो।
यस्तै तनहुँको आँबुखैरेनी गाउँपालिकाका ६ वटै वडामा पनि कांग्रेसले विरोध प्रदर्शन गरेको छ। कांग्रेसले आँबुखैरेनी गाउँपालिकाको वडा नं. १ को सत्रसय स्कुल गेट, वडा नं. २ को मार्किचोक तिलवारी, वडा नं. ३ को मिलनचोक आँबुखैरेनी, वडा नं. ४ को मुग्लिन पुलजीप, वडा नं. ५ को घुमाउने र वडा नं. ६ को हिलेखर्कमा विरोध प्रदर्शन गरेको कांग्रेस आँबुखैरेनीका सचिव विष्णु पन्थले जानकारी दिनुभयो।