स्वर्गीय प्रतापसिंह गुरुङ स्मृति तेस्रो फुटसल प्रतियोगिताको उपाधि आयोजक कोभिड १९ ‘ए’ लाई

इच्छाकामना न्युज

१७, बैशाख २०८०

स्वर्गीय प्रतापसिंह गुरुङ स्मृति तेस्रो फुटसल प्रतियोगिताको उपाधि आयोजक कोभिड १९ ‘ए’ लाई

चितवन । स्वर्गीय प्रतापसिंह गुरुङ स्मृति तेस्रो कोभिड १९ खुला नकआउट फुटसल प्रतियोगिताको उपाधि आयोजक कोभिड १९ ’ए’ ले जितेको छ । शनिबार सम्पन्न फाइनल खेलमा क्षेत्रपुर फुटसल एरेनालाई हराउँदै आयोजक टिम समेत रहेका कोभिड १९ ‘ए’ च्याम्पियन बनेको हो ।

चितवन फुटसल एण्ड स्पोर्ट्स जोन भरतपुर ७ मा भएको उपाधि भिडन्तमा कोभिड १९ लाई च्याम्पियन बनाउन उर्गेन शेर्पाले एक मात्र निर्णायक गोल गरे । कोभिड १९ ’ए’ का अशोक मगर म्यान अफ दि म्याच चुनिए ।

विजेता बनेको कोभिड १९ ’ए’ ले नगद ५१ हजार ५०० रुपैयाँसहित ट्रफी प्राप्त गरेको छ । यस्तै उपविजेतामा सीमित क्षेत्रपुरले २६ हजार ५०० प्राप्त गरेको छ ।

आयोजकका उर्गेन शेर्पा प्रतियोगिताभरको उत्कृष्ट खेलाडी घोषित भए । आयोजककै आशिष डङ्गोल उत्कृष्ट गोलरक्षक, नारायण क्षेत्री उदयमान खेलाडी, प्रकाश बगाले उत्कृष्ट प्रशिक्षक तथा क्षेत्रपुरका रोजल दाहाल सर्वाधिक गोलकर्ता बने ।

विजेता तथा उपविजेता टिमलाई प्रमुख अतिथि भरतपुर महानगरपालिका ७ का वडाध्यक्ष राजेन्द्रमणी काफ्ले, चितवन जिल्ला फुटबल संघका अध्यक्ष श्री कृष्ण कार्की, सह प्रायोजक सेन्ट्रल कलेज अफ भोकेसनल ट्रेनिङ प्रालिका प्रिन्सिपल यज्ञबिलास पौडेल ९वाईबी० लगायतले पुरस्कार वितरण गरेका थिए ।