- शनिवार, आश्विन ३ गते २०८३
TRENDING
गोरखा । गोरखामा चोरेको स्कुटर सहित एक जना पक्राउ परेका छन । चितवन जिल्लाको ईच्छाकामना गाउँपालिका ६ चनौटेका २० वर्षीय सुवास भन्ने मोतिराम घर्ती मगरलाई पक्राउ गरिएको जिल्ला प्रहरी कार्यालय गोरखाका डिएसपी लिलाराज लामिछानेले बताए । विगत केहि दिनदेखि मोटरसाइकल चोरीका घटना बढ्दै गइरहेकोले प्रहरीले चेकजाँच गर्ने कार्यलाई तिव्रता दिएको थियो ।
सोही क्रममा गोरखा नगरपालिका वडा नं ६ हरमटारी चोकबाट स्कुटरसहित मगरलाई पक्राउ गरिएको हो । बा ३५ प ४७५० नं. को स्कुटरसहित उनलाई पक्राउ गरिएको डिएसपी लामिछानेले बताए ।
उनका अनुसार सोहि नम्बरको स्कुटर चितवन ईच्छाकामना गाउँपालिका ६ जलबिरे स्थित सडकखण्डबाट पार्किङ गरी राखेको अवस्थामा आइतबार हराएको थियो । ईलाका प्रहरी कार्यालय मुग्लिन चितवनबाट खोजिदिनका लागि पत्राचार आएपछि गोरखामा पनि खोज अनुसन्धान सुरु भएको थियो ।
चेकजाँचको क्रममा स्कुटरको सवारी दर्ता किताब पेश गर्न नसकेको र स्कुटर चोरी गरी ल्याएको हुन सक्ने शंका लागेपछि स्कुटर सहित उनलाई प्रहरीले नियन्त्रणमा लिएका थिए । उनलाई आवश्यक कारवाहीका लागि ईलाका प्रहरी कार्यालय मुग्लिङ चितवन पठाएको प्रहरीले जनाएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
