चितवन । तमू ह्युल छोंज धीँ, गुरूङ राष्ट्रिय परिषद् बागमती प्रदेशमा चितवनबाट तीन जना निर्वाचित भएका छन् । ह्युल छोंज धीँको दोस्रो अधिवेशनबाट उपाध्यक्षमा तुलाराम गुरूङ तथा सदस्यहरुमा नारायणसिंह गुरूङ र तुलाराम गुरूङ निर्वाचित भएका हुन् ।

शनिबार नुवाकोटको विदुरमा सम्पन्न अधिवेशनले आगामी नेतृत्वका लागि नयाँ कार्यसमिति चयन गरेको हो । अधिवेशनबाट नुवाकोटकै झमकराज गुरूङ अध्यक्षमा निर्वाचित भएका तमू ह्युल छोंज धीँ चितवनले जनाएको छ ।

कार्यसमितिको वरिष्ठ उपाध्यक्षमा तमू (गुरूङ) सञ्चारकर्मी संघ नेपालका केन्द्रीय अध्यक्ष रविन गुरूङ निर्वाचित भएका ह्युल छोंज धीँ चितवनकी अध्यक्ष विमलादेवी गुरूङले जानकारी दिइन् । त्यस्तै उपाध्यक्षमा तुलबहादुर गुरूङ, सचिवमा रमेश गुरूङ, सह–सचिवमा राजाराम गुरूङ र कोषाध्यक्षमा शारदा गुरूङ निर्वाचित भएका छन् । सदस्यहरुमा भने संगीता गुरूङ, खिमजङ्ग गुरूङ, सन्तबहादुर गुरूङ, समुन्द्र गुरूङ र हस्तबहादुर गुरूङ निर्वाचित भएका छन् ।

शनिबारै सम्पन्न तमूस्यो ह्युल छोंज धीँ गुरूङ महिला राष्ट्रिय परिषद् बागमती प्रदेशबाट पनि चितवनकी हरिमाया गुरूङ उपाध्यक्षमा निर्वाचित भएकी छन् । रसुवाकी शारदा गुरूङको अध्यक्षतामा पहिलो अधिवेशनबाट नयाँ कार्यसमिति चयन गरिएको हो । समितिको सचिवमा शशि गुरूङ, प्रचार सचिवमा किता गुरूङ, संगठन सचिवमा कल्पना गुरूङ र कोषाध्यक्षमा लक्ष्मी गुरूङ चयन भएका छन् ।

सदस्यहरुमा भने सुष्मा घले, देवी गुरूङ र रमिला गुरूङ चयन भएका छन् । अधिवेशनमा सहभागी हुन दुवै संगठनको गरी १३ जिल्लाबाट करिब ६० जना प्रतिनिधि सहभागी भएका थिए ।