साधना लघुवित्तले १८ प्रतिशत बोनश सेयर दिने

पत्रपत्रिका

१, माघ २०७७

साधना लघुवित्तले १८ प्रतिशत बोनश सेयर दिने

गोरखा, १ माघ । साधना लघुबित्त बित्तीय संस्था लि. चौथो बार्षिक साधारण सभाले गत आर्थिक बर्ष २०७६/०७७ को नाफाबाट १८ प्रतिशत बोनश शेयर तथा कर प्रयोजनका लागि ०.९४७३ प्रतिशत नगद लाभांश बितरण गर्ने प्रस्ताब सर्बसम्बत पारित गरेको छ ।

बित्तीय संस्थाको सञ्चालक समितिका अध्यक्ष कृष्णबहादुर थापाको अध्यक्षतामा सम्पन्न भएको उक्त साधारण सभाले सर्बसाधरण समुहबाट पुष्पाकुमारी घिमिरे तथा दिनेश अर्याललाई सञ्चालकको रुपमा सर्बसम्मत निर्बाचित गरेको छ ।

साथै आर्थिक बर्ष २०७७/०७८ को बाह्य लेखा परिक्षण कार्यका लागि लेखापरिक्षक एसडी एण्ड एसोसिएट्स,चार्टड एकाउन्टेन्ट्सलाई नियुक्त गर्ने प्रस्ताब समेत पारित गरेको छ साथै साधारण सभाले मर्जर÷प्राप्तिको लागि संचालक समितिलाई अख्तियारी दिएको छ ।

बार्षिक साधारण सभालाई सम्बोध गर्नुहुदै बित्तीय संस्थाका प्रमुख कार्यकारी अधिकृत रेशम न्यौपानेले नोबेल कोरोना भाईरसका कारण बित्तीय कार्यक्रम सञ्चालनमा असहज भएता पनि लगानीकर्ताहरुलाई राम्रो प्रतिफल दिन सफल भएको र आगामी दिनमा समेत लगानीकर्ताहरुलाई उत्कृष्ठ प्रतिफल दिनको लागी पर्ने बताए । हाल बित्तीय संस्थाको ७० बटा शाखा कार्यालयहरुमार्फत करिब ६०,००० घरपरिवारलाई प्रत्यक्ष बित्तीय सेबाप्रबाह गरिरहेको छ ।

दरौदी दैनिकबाट