तनहुँ । म्याग्दे गाँउपालिकाको आयोजनामा निशुल्क आँखा शिविर शुरु भएको छ । म्याग्दे गाँउपालिकाको अध्यक्ष श्रीप्रसाद श्रेष्ठको अध्यक्षतामा भएको कार्यक्रम हिमालय आँखा अस्पताल पोखराको प्राविधिक सहयोग तथा गाँउपालिका र श्री सुर्य नेपाल प्रा.लि.को आर्थिक सहयोगमा निशुल्क आँखा शिविर संचालन भएको हो ।  

शिविरको पहिलो दिन २०५ जनाको आँखाको परिक्षण गरिएको छ भने जसमा महिला १२६ जना र पुरुष ७९ जना रहेका छन् । उपचारको क्रममा ३ जनाको जलविन्दु र १५ जनाको मोतिविन्दु भएको पाईएको छ । निजहरुलाई थप स्वास्थ्य उपचारका लागी हिमालय आँखा अस्पताल पोखरा रिफर गरिएको पालिकाका स्वास्थ्य शाखाका प्रमुख दिनेश पण्डितले वताउनुभयो । जलविन्दु र मोतिविन्दु भएको विरामीको निशुल्क आँखाको उपचार हुने हिमालय आँखा अस्पतालले जनाएको छ । 

यसैगरि शिविरमा २०५ जनालाई विभिन्न आँखा सम्वन्धि औषधी समेत वितरण गरिएको छ भने १२५ जना आँखाको विरामीलाई चस्मा वितरण गरिएको पालिकाका प्रमुख प्रशासकिय अधिकृत नारायण प्रसाद अधिकारीले जानकारी दिनुभयो । 

सोही अवसरमा प्रहिलो चरणको कोभिड खोप ६ जनालाई र दोश्रो चरणको खोप १२० जनालाई लगाईएको छ । शिविरमामा आँखाको समान्य परिक्षण, उमेरका कारण नजिक नदेख्ने समस्या भएकाहरुको उपचार, मोतिविन्दु भएको ज्येष्ठ नागरिक विरामीको पहिचान र रिफर गरिनेछ । 

कार्यक्रमका अध्यक्ष श्रीप्रसाद श्रेष्ठले पालिका जनताको स्वास्थ्यमा अति नै संवेदनशिल रहेको वताए । जनता नै सर्वोपरि भएको हुदाँ जनताको स्वास्थ्य जस्तो विषयमा पालिकाले सदैव भुमिका खेल्ने हुदाँ आवश्यकताका आधारमा थप कार्यक्रम ल्याईने वताए । यस भन्दा अगाडी पालिकाले एकीकृत घुम्ति शिविर संचालन गरेर जनतालाई सेवा दिईसकेको छ । त्यसक्रममा पाठेघरको मुखको क्यान्सर देखिएको विरामीलाई उपचारको लागी छिट्टै व्यवस्था समेत गरिने अध्यक्ष श्रेष्ठले वताए । 

सो क्रममा पालिकाका उपाध्यक्ष वालकृष्ण घिमिरेले जीवनको सवैभन्दा महत्वपुर्ण आँखाको उपचार र स्याहारमा ध्यान दिनुपर्ने वताए । आँखाको ज्योति जीवन हो । यसको उपचारमा पालिका गम्भिर छ । यसैगरि पालिकाले यसपछि दाँतको निशुल्ःक उपचार गर्न लागेको समेत उपाध्यक्ष घिमिरेले वताउनुभयो ।

पालिकाका प्रमुख प्रशासकिय अधिकृत नारायण प्रसाद अधिकारीले पालिकाले गर्दे आएको कामको वारेमा जानकारी दिनुभएको थियो । सो कार्यक्रममा पालिकाका वडाध्यक्षहरु, कार्यपालिका सदस्य, हिमालय आँखा अस्पताल, सुर्य नेपाल प्रा.लि, तनहुँ हाईड्रो पावरका प्रमुखहरुले सम्वोधन गर्नुभएको थियो भने स्वास्थ्य शाखाका प्रमुख तिलक घिमिरेले कार्यक्रमको संचालन गरेका थिए । 

१४ गते वाट शुरु भएको कार्यक्रम १५ गते मीन मावि थर्पु र १६ गते जामुने स्वास्थ्य चौकी जामुनेमा हुने गाँउपालिकाले जनाएको छ ।