- मंगलवार, कार्तिक १८ गते २०८३
TRENDING
धनुषा । पाँचौ संस्करणको सहाना प्रधान स्मृति राष्ट्रिय महिला हक्की प्रतियोगिता सोमबारदेखि धनुषामा सुरु भएको छ । धनुषामै पहिलो पटक आयोजना भइरहेको राष्ट्रिय महिला हक्की प्रतियोगिता मिथिला नगरपालिका २ नक्टाझिजस्थित हिमालय युवा क्लवको खेल मैदानमा भईरहेको छ । प्रतियोगिता माघ २८ गतेसम्म चल्ने आयोजकले जनाएको छ ।
लिगचरणमा आयोजना भएको राष्ट्रिय महिला हक्की प्रतियोगितामा नेपालका ६ वटा प्रदेश र एक विभागीय टोली (नेपाल आर्मी) गरी सात वटा टिमको सहभागिता रहेको छ । प्रतियोगितामा सहभागी टिमलाई समूह ‘ए’ र ‘बि’ गरी दुई समूहमा विभाजन गरिएको छ । समूह ‘ए’ मा बागमती, सुदूरपश्चिम र गण्डकी प्रदेशको टिम रहेका छन् भने समूह ‘बी’ मा प्रदेश १, लुम्बिनी, मधेश र नेपाल आर्मीको टिम रहेका छन् ।
प्रतियोगितामा जम्मा १३ वटा खेल हुने र प्रत्येक दिन खेलाडीहरुलाई म्यान अफ दि म्याचकोे पुरस्कार स्वरुप नगद २ हजार रुपैयाँ पुरस्कार प्रदान गरिनेछ । प्रतियोगितामा प्रथम हुने टिमलाई रु.७५ हजार, दोस्रो हुनेलाई रु.४० हजार र तेस्रो हुने टिमलाई रु.२५ हजार नगद पुरस्कार र शिल्ड प्रदान गरिनेछ ।
नेपाल हक्की सङ्घ र मिथिला नगरपालिकाको संयुक्त आयोजनामा राष्ट्रिय महिला हक्की प्रतियोगिता सुरु भएको हो । प्रतियोगितामा आज पहिलो खेलमा सुदुरपश्चिम प्रदेश र बागमति प्रदेश, दोस्रो खेलमा गण्डकी प्रदेश र प्रदेश १ र तेस्रो खेलमा मधेश प्रदेश र लुम्बिनी प्रदेशबीच प्रतिस्पर्धा हुनेछ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
