खड्क सुनार, मुगु । हिमाली जिल्ला मुगु लगाएत कर्णालीका जिल्लाहरुमा वर्षा सँगै हिमपात भएको छ । अन्य जिल्ला भन्दा मुगु जिल्लामा माघ महिनाको पहिलो सातामै गए  रातिदेखि लगातार हिमपात भएपछी मुगुको जनजीवन प्रभावित भएको छ । लगातारको हिमपातले मुगुको पुर्वी करान भेगका वडा, खत्याड गाउँपालीकाको खमाले, सेरी, कवा, चाकपाडे, लमेरा, कोटिल्ला लगायत, सोरु गाउँपालिकको, सोरुकोट, धैना, कालै, रुम र छायाँनाथ रारा नगरपालीको रारा, ताल्चविमान स्थल, बाम शोभा, लिउडी मुन्दु, कोटिल्ला झ्यारी ,रोवा लगायतका स्थानमा हिमपात सुरु भएको हो ।

हिमपातको कारण नेपालगंज सुर्खेत बाट मुगु आउने यातायात र सवारी साधनहरु रोकिएका छन् । रारा घुम्न आउर्ने आन्तरिक तथा बाहीय पर्यटकहरु लाई पनि निकै समस्या मा परेका छन् । अघिल्लो हिउँदमा पुष पहिलो साताबाट हिमपात भए पनि यो वर्ष एक महिना पछि हिमपात सुरु भएको छ ।  हिमपात संगैको चिसोले बालबालिका, वृद्धवृद्धा र काममा निस्कने व्यक्ति बढी प्रभावित भएका छन् । चिसोले गर्दा भेडा बाख्रा सहित अन्य पशुचौपायालाई समेत समस्या भएकोे सोरु गाउँपालीकाका पदम बहादुर शाहीले बताउनु भयो ।

बाक्लो हिमपातले शैक्षिक संस्था , सरकारी कार्यलयको कामकाज प्रभावित भएका छन् । लगायतको हिमपातले मुगु जिल्लाको एक मात्र हवाई सेवा ताल्च विमान स्थल पनी बन्द भएको छ । यो वर्ष एक महिना अघि नै हिमपात भएका कारण हिउँदेबालीको उत्पादमा राम्रो हुनेमा किसानहरू आशावादी छन् ।

विशेष गरि अहिले खेतवारीमा लगाएको जौं, गहुँ बाली उम्रिने समय भएको र यहि वेला हिमपात र पानी पर्दा खेतीपातीका लागि राम्रो मानिन्छ । अहिले समयमा नै वर्षा भएकाले सुख्खा जमिनमा छरिएको जौं, गहुँ राम्रैसंग उम्रिने, विषेश गरि उम्रेको बाली नष्ट गर्ने फट्याँग्रा लगायतका किरा मर्ने र हिउदे बाली तथा तरकारीको उत्पादनमा पनि बृद्धि हुने कृषि विज्ञले बताएका छन् ।