- सोमवार, कार्तिक २४ गते २०८३
TRENDING
देवचन्द्र भट्ट, नुवाकोट । नुवाकोटको बेलकोटगढी नगरपालिकाले ‘शैक्षिक सुधार कार्यक्रम’ सञ्चालन गरेको छ । स्थानीय तहले शिक्षाको समग्र विकास गर्ने उद्देश्यले ल्याएको कार्यक्रममार्फत विद्यालयले विद्यार्थी सङ्ख्या वृद्धि गराउनेदेखि विद्यार्थीलाई दक्ष बनाउन सहयोग पुग्ने अपेक्षा गरिएको छ ।
कार्यक्रम अन्तर्गत बेलकोटगढी नगरपालिकाले कक्षा १० (एसईई)मा उत्कृष्ट नतिजा ल्याउने विद्यालयलाई प्रोत्साहनस्वरुप १० लाख रुपैयाँ दिने घोषणा गरेको छ ।
विद्यालयलाई शैक्षिक क्यालेण्डर बनाउन, स्थानीय भाषा, संस्कृति, कला तथा समसामयिक विषयवस्तु समावेश गरी पाठ्यक्रम बनाउन, प्रत्येक वडामा हरेक वर्ष कम्तीमा एउटा विद्यालयलाई बालमैत्री बनाउनेलगायतका लक्ष्य कार्यक्रममा समावेश गरिएको वेलकोटगढी नगरपालिकाका प्रमुख जगत बहादुर गुरुङले जानकारी दिनुभयो । उहाँका अनुसार विद्यालयमा विद्युतीय हाजिरी, पूर्ण दरबन्दी, ई–पुस्तकालयसहित प्रत्येक शैक्षिक सत्रको उपलब्धिलाई तथ्याङ्क र गुणस्तरीय मापदण्डको आधारमा मापन गरिने छ ।
हाल बेलकोटगढी नगरपालिकामा ९ वटा माध्यमिक विद्यालयसहित ५४ वटा सामुदायिक विद्यालयहरू सञ्चालनमा छन् ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
