- शनिवार, आश्विन ३ गते २०८३
TRENDING
हेटौँडा । बागमती प्रदेशका मुख्यमन्त्री शालिकराम जम्मकट्टेलले आज पद तथा गोपनीयताको शपथ लिँदैछन । सोमबार नेपालको संविधानको धारा १६८ को उपधारा (२) बमोजिम प्रदेशको मुख्यमन्त्री नियुक्त भएका हुन् ।
मंगलबार बिहान बागमती प्रदेशको चौथो मुख्यमन्त्रीका रूपमा नियुक्त भएका जम्मकट्टेललाई प्रदेश प्रमुख यादवचन्द्र शर्माले पद तथा गोपनीयताको शपथ ग्रहण गराउने कार्यक्रम तय भएको छ । उनको शपथका लागि प्रदेश प्रमुख कार्यालय हेटौंडामा तयारी भइरहेको छ ।
माओवादी केन्द्र बागमती प्रदेश संसदीय दलको नेता जम्मकट्टेल सोमबार ५ दलको समर्थनमा मुख्यमन्त्री नियुक्त भएका थिए । उनलाई माओवादी केन्द्रका २१ सांसद सहित, एमालेका २७, राप्रपाका १३, एकीकृत समाजवादीका ७ र हाम्रो नेपाली पार्टीका २ जना गरि ७० जना सांसदको समर्थन रहेको छ ।
मुख्यमन्त्री जम्मकट्टेलले आज नै तीन सदस्यीय मन्त्रिपरिषद गठन गर्ने तयारी गरेका छन् । उनले प्रदेश सरकारमा तत्काल राप्रपा र एमालेबाट एक–एक जनाको प्रतिनिधित्व गराउने भएका छन् । यद्यपि उनीहरुलाई मन्त्रिपरिषदमा विभागीय जिम्मेवारी भने तत्काल नदिई सबै मन्त्रालयको जिम्मेवारी मुख्यमन्त्री आफैले सम्हाल्ने मुख्यमन्त्री तथा मन्त्रीपरिषद् कार्यालय स्रोतले जनाएको छ ।
जम्मकट्टेल नेतृत्वको सरकारमा गठबन्धनका दुवै दलबाट दलका नेता नै मन्त्री बन्ने भएका छन् । एमालेले दलका नेता जगन्नाथ थपलियालाई मन्त्री बनाउने तयारी गरेको छ भने राप्रपाले दलको नेता उद्धव थापालाई मन्त्री बनाउँदै छ । दुवै जना मन्त्रीले मंगलबार नै शपथ लिने छन् । थपलियाले प्रदेशको आर्थिक मामिला तथा योजना मन्त्री दाबी गरिरहेका छन् भने थापाले भौतिक पूर्वाधार विकास मन्त्रालय जाने आकांक्षा राखेका छन् ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
