पूर्व मन्त्री किरण गुरुङ भन्छन ‘तीनै सरकारको समन्वयमा विकास निर्माणलाई प्राथमिकता ’

इच्छाकामना न्युज

२७, कार्तिक २०७९

पूर्व मन्त्री किरण गुरुङ भन्छन ‘तीनै सरकारको समन्वयमा विकास निर्माणलाई प्राथमिकता ’

तनहुँ । नेकपा एमालेका स्थायी कमिटी सदस्य एवम् तनहुँ क्षेत्र नं. २ का प्रतिनिधीसभा सदस्य उम्मेदवार किरण गुरुङ्गले अधुरा योजना पुरा गर्ने प्रतिवद्धता जनाएका छन् ।

आइतवार भिमाद नगरपालिका वडा नंं ३, ४ र ५ का विभिन्न स्थानमा भएका मतदाता भेटघाट एवम् कोण सभालाई सम्बोधन गर्दै उनले सो कुरा बताएका हुन् । ‘प्रदेशको अर्थमन्त्री हुदा थुप्रै योजना कार्यान्वयन भई सम्पन्न भएका छन् । कतिपय योजना अधुरै छन्,’ उनले भने, ‘मैले शुरु गरेका योजना केदार सिग्देलले पुरा गर्नुहुने छ । सिग्देलले शुरु गरेका कामलाई मैले पूर्णता दिनेछु ।’

गुरुङ निर्वातमान प्रदेश सभा सदस्य हुन भने सिग्देल निवर्तमान प्रतिनिधी सभा सदस्य हुन् । नेता गुरुङले क्षेत्र नं. २ प्रदेश १ मा नेता श्यामराजा महत र २ मा सिग्देलसँगको समन्वय र सहकार्यमा तनहुँको २ नम्बर क्षेत्रलाई रुपान्तर गर्ने प्रतिवद्धता जनाए । उनले स्थानीय, प्रदेश र संघीय सरकारसँग समन्वय गरि विकास निर्माण अगाडी बढाउने बताए ।

विगतमा नेपाली काङग्रेसले लामो समयदेखि जितेको यस क्षेत्रलाई ५ वर्षमा विकास निर्माणमा महत्वपूर्ण आधार निर्माण भएको उनले दाबी गरे । उनले भने, ‘गफ र आश्वासन गर्ने भन्दा पनि कामै गर्ने व्यक्तिलाई संसदमा विजयी गराएर पठाउनुहोस ।’

तनहुँ २ प्रदेश २ का उम्मेदवार केदार सिग्देलले जनताको घरदैलोमा पुग्दा मतदाताले देखाएको मायाले उत्साह थपेको बताए । उनले विगतमा भएका कामको मुल्यांकन गरि एमालेका उम्मेदवारलाई विजयी गराउन आग्रह गरे ।