दाहाखानी । नेपाली कांग्रेसका महासमिति सदस्य तथा इच्छाकामना गाउँपालिकाकी निवर्तमान अध्यक्ष गीता कुमारी गुरुङले उमेश श्रेष्ठ जस्तो विकासप्रेमी भिजन भएको नेता पाउनु क्षेत्र नम्बर २ का नागरिकहरुहरुले भाग्यमानी ठानेको बताएका छन् । 

मंगलबार वडा नम्बर ७ दाहाखानीमा भएको चुनावी भेटघाट कार्यक्रममा बोल्दै गुरुङले चितवनका सबै क्षेत्रबाट उमेश श्रेष्ठको माग भए पनि यहाँको विशेष गरेर विकट इच्छाकामनाको विकासका लागि भिजन भएको विकास प्रेमी नेता हामीलाई चाहिन्छ त्यस्तो व्यक्ति हामीलाई पठाइदेउ भनेर यहाँ लिएर आएकोले गुरुङले उमेश श्रेष्ठ जस्तो विकास प्रेमी र भिजन भएको नेता पाउनु भाग्यमानी ठानेको बताएका हुन् ।

उनले भने “धेरै ठाउँबाट उमेश श्रेष्ठ हामीलाई चाहिन्छ, एक नम्बर क्षेत्र, ३ नम्बर क्षेत्र चितवनका सबै क्षेत्रले हामीलाई ल्याउ हामी लान्छौँ यस्तो मान्छे चुनावमा हामी भोट हालेर जिताएर यो ठाउँको विकासको मुहार फेर्छौँ, भनेर चाहीँ उहाँलाई माग गर्ने धेरै मान्छेहरु थिए, हामीले भन्यौँ इच्छाकामना गाउँपालिकाका लागि जुन दुरदराजको वस्ती छ आज सम्म विकास हुन सकेको छैन, यहाँको नागरिककले हरेक कोणबाट दुख पाएका छन् शिक्षामा परिवर्तन गार्न सकेको छैन,स्वास्थ्यमा परिवर्तन गर्न सकेको छैन, आर्थिक परिवर्तन गर्न सकेको छैन, कृषिमा परिवर्तन गर्न सकेको छैन , जो व्यक्तिसंग त्यो भिजन छ त्यो व्यक्ति चै नेपाली कांग्रेसले उम्मेद्वार याहाँ हामीलाई पठाइदेउ भनेर हामीले ल्याएर आएका हौँ, त्यस कारणले त्यस्तो व्यक्ति हामीले ल्याएर आउँदै गर्दा इच्छाकामनावासी हामीले भाग्यमानी ठानेका छौँ इच्छाकामनाको नागरिक हामी भाग्यमानी हौँ भनेर महशुस गरेका छौँ ”

उनले गठबन्धनका उम्मेवारहरु प्रतिनिधि सभाका उम्मेद्वार उमेश श्रेष्ठ र प्रदेश सभा सदस्य उम्मेद्वार घनश्याम दाहाललाई भारी मतले जिताउने प्रतिवद्धता व्यक्त गर्दै विकास र समृद्धि तथा संविधानको रक्षा गर्न गठबन्धनको विकल्प नरहेको बताइन् । गठबन्धनका उम्मेद्वाहरुलाई जिताउन आ–आफ्नो ठाउँबाट लागी पर्न कार्यकर्ताहरुलाई समेत उनले आग्रह गरे।