अवैध लागुऔषध गाँजा सहित मुग्लिन पुलजिपबाट ५ जना पक्राउ

इच्छाकामना न्युज

६, भाद्र २०७९

अवैध लागुऔषध गाँजा सहित मुग्लिन पुलजिपबाट ५ जना पक्राउ

आँबुखैरेनी । पृथ्वी राजमार्ग अन्तर्गत तनहुँको आँबुखैरेनी ४ बेनिटारमा रहेको अस्थायी प्रहरी पोष्ट मुग्लिन पुलजिपले चेकजाँचको क्रममा ५ जनालाई अवैध लागुऔषध गाँजा सहित पक्राउ गरेको छ। प्रहरीले उनीहरुलाई शुक्रबार र शनिबार पक्राउ गरेको हो।

जिल्ला प्रहरी कार्यालय तनहुँले दिएको जानकारी अनुसार धादिङबाट पोखरातर्फ आउँदै गरेको ग १९ प १०९५ नं. को मोटरसाईकललाई शुक्रबार चेकजाँच गर्ने क्रममा १ किलो ५ सय ५० ग्राम गाँजा सहित धादिङ ज्वालामुखि गाउँपालिका २ का २९ वर्षीय पुष्कर तामाङ र २२ वर्षीय सुन्दर तामाङलाई पक्राउ गरिएको छ।

यस्तै काठमाण्डौबाट पोखरातर्फ आउँदै गरेको बा २ ख २६७१ नं. को माईक्रो बसलाई चेकजाँच गर्ने क्रममा उक्त माईक्रो बसको छतमा फेला परेको झोला भित्रबाट ५ किलो ४ सय ग्राम अवैध लागुऔषध गाँजा फेला परेको र बसका सहचालक तनहुँ घिरिङ गाउँपालिका ४ जितपुर बस्ने वर्ष २० को नगर बहादुर थापालई नियन्त्रणमा लिई सोधपुछ गर्दा कास्की जिल्ला पोखरा महानगरपालिका ८ रत्नचोक बस्ने वर्ष ४६ को रमेश थापा र वर्ष २५ को सुदिप गुरुङको रहेको खुल्न आएकोलेले वडा प्रहरी कार्यालय बैदामसँगको समन्वयमा ३ जनालाई बिहिबारै पक्राउ गरिएको छ।

पक्राउ परेकाहरुलाई जिल्ला अदालत तनहुँमा आईतबार पेश गरि १२ दिनको म्याद थप गरि अनुसन्धार गरिरहेको जिल्ला प्रहरी कार्यालय तनहुँले जानकारी दिएको छ ।