- मंगलवार, कार्तिक १८ गते २०८३
TRENDING
बिरगंज । भौतिक पूर्वाधार तथा यातायात मन्त्री मोहम्मद ईस्तियाक राईले काम नगर्ने ठेकेदारलाई कारबाही गर्ने चेतावनी दिनुभएको छ । आज वीरगञ्जमा तिलावे पुलको उद्घाटन गर्दै उहाँले वडाध्यक्षदेखि सांसदसम्म ठेकेदार बनेको र काम नगर्ने प्रवृत्ति बढेको भन्दै नेता बनेर काम नगर्ने ठेकेदारलाई कारबाही गर्ने चेतावनी दिनुभएको हो ।
काम नगर्ने ठेकेदारलाई जनताले चिन्नुपर्ने उहाँको भनाइ छ ।आफू मन्त्री हुँदा ८२ वटा पुल अलपत्र रहेकामा त्यसलाई ३४ मा झारेको पनि मन्त्री राईले दावी गर्नुभयो । उहाँले सङ्घको जिम्मेवारीमा रहेका सडक, पुल लगायतका आयोजनाको काम समयमै सक्ने वतावरण बनाउन सडक विभागलाई निर्देशनसमेत दिनुभयो ।
कार्यक्रममा वन तथा वातावरण मन्त्री प्रदीप यादवले वर्षौदेखि ठेक्का लिएर बस्ने काम नगर्ने ठेकेदारलाई कारबाही गर्न माग गनुभयो । कालोसूचीमा राखेर मात्रै नहुने देखिएकाले काम नगर्ने ठेकेदारको लाइसेन्स नै खारेज गर्नुपर्ने उहाँको भनाइ छ ।
हुलाकी राजमार्ग अन्तर्गत वीरगञ्ज–ठोरी र ठोरी–माडी खण्डमा वनका कारण उत्पन्न समस्या समाधानमा वन मन्त्रालयले पहलकदमी लिने उहाँले प्रतिवद्धता व्यक्त गर्नुभयो । उद्घाटनपछि आजदेखि नै तिलावे खोलाको नयाँ पुल सञ्चालनमा आएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
