- आइतवार, कार्तिक २३ गते २०८३
TRENDING
स्नेहा कर्ण, काठमाडौँ । ५० अर्बभन्दा बढी घाटनामा रहेको नेपाल आयल निगमलाई नाफामा पु¥याउन गाह्रो हुने देखिएको छ । इन्धन आपूर्तिको जिम्मा पाएको निगमले इन्धन खरिदका लागि सरकारसँग लिएको ऋण सात अर्ब पुगेको छ भने पछिल्लो तीन वर्षदेखि निरन्तर घाटामा छ ।
निगमले यसअघि आर्थिक वर्ष २०७७ को बैशाखमा झन्डै साढे ५० करोडको नाफा कमाएको थियो । त्यसपछि घाटामा रहँदै आएको निगमलाई फेरि नाफामुलक बनाउन मूल्य समायोजन गर्नुपर्ने, सरकारले लगाएको कर फिर्ता लिनुपर्ने एकजना अर्थ क्षेत्रका जानकार डा.पुष्पराज कँडेलले बताउनुभयो ।
दुई वर्षअघि एक खर्ब ९३ अर्बको इन्धन आयात भएकोमा गत आर्थिक वर्षमा झन्डै २ खर्ब ५० अर्बको इन्धन आयात भएको छ । बाह्य मुलुकबाट प्रशोधित पेट्रोलियम पदार्थ मात्रै नेपाल आयात हुने भएकाले पनि निगमलाई पछिल्लो समय विश्वव्यापी मूल्यवृद्धिले समस्यामा पारेको निगमका प्रवक्ता विनितमणि उपाध्यायको भनाइ छ ।
नेपालमा पेट्रोलियम पदार्थको मूल्यलाई असर पार्ने कारक तत्वहरूमध्येको एक विश्व बजार पनि हो । पेट्रोलियम पदार्थमा परनिर्भर रहेको नेपाललाई अब कति समयभित्र पहिलेकै अवस्थामा फर्काउन सकिन्छ भनेर अहिले नै भन्न सकिने अवस्था छैन । तर, खपतलाई कम गर्न सके आयल निगम सबैभन्दा धेरै राजश्व तिर्ने निकायमा पुनः सूचिकृत हुन सक्ने जानकारहरू बताउँछन् ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
