- आइतवार, कार्तिक २३ गते २०८३
TRENDING
कुरिनटार, १३ वैशाख । स्थानीय तह निर्वाचनमा सत्तारुढ दलहरु बिच गठबन्धन भएपछि टिकट वितरणलाई लिएर असन्तुष्टि बढेसँगै स्वतन्त्रबाट बागी उम्मेद्वारी दिने बढेका छन् जस अनुरुप चितवनको इच्छाकामना गाउँपालिकामा पनि गठबन्धन दलको अध्यक्ष उम्मेद्वार विरुद्ध २ जनाले स्वतन्त्रबाट बागी उम्मेद्वारी दिएको छ।
निर्वाचन अधिकृतको कार्यालय इच्छाकामनाले दिएको जानकारी अनुसार इच्छाकामाना गाउँपालिकाको अध्यक्षमा नेपाली काँग्रेसबाट गीता कुमारी गुरुङ, नेकपा एमालेबाट दान बहादुर गुरुङ, नेपाल मजदुर किसान पार्टीबाट पदम थापा मगर, स्वतन्त्रबाट बिक्रम श्रेष्ठ र बिमला श्रेष्ठले उम्मेद्वारी दिएका छन्।
स्वतन्त्रबाट उम्मेद्वारी दिने बिमला श्रेष्ठ नेपाली काँग्रेस इच्छाकामना गाउँ कार्यसमितिका सभापति कृतिकुमार श्रेष्ठका श्रीमती हुन् भने बिक्रम श्रेष्ठ सहोदर सालो हुन्।
सुरुवात देखिनै नेपाली काँग्रेसबाट बिशेष गरी गीता कुमारी गुरुङ र कृती कुमार श्रेष्ठ दुवै जना अध्यक्षका आकांक्षी थिए। दुवैले टिकट ल्याउन लागिपरेका थिए तर अन्त्यमा गीता कुमारी गुरुङले अध्यक्षको टिकट पाएपछि त्यसैको असन्तुष्टिले सभापति श्रेष्ठका श्रीमती र सालोले स्वतन्त्रबाट बागी उम्मेद्वारी दिएको हो।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
