तमू ह्युल छोँज धीं गुरुङ राष्ट्रिय परिषद्को चौथो राष्ट्रिय महाधिवेशन आजदेखि चितवनमा हुदै

इच्छाकामना न्युज

२८, चैत्र २०७८

तमू ह्युल छोँज धीं गुरुङ राष्ट्रिय परिषद्को चौथो राष्ट्रिय महाधिवेशन आजदेखि चितवनमा हुदै

चितवन, २८ चैत । तमू ह्युल छोँज धीं गुरुङ राष्ट्रिय परिषद्को चौथो राष्ट्रिय महाधिवेशन आजदेखि चितवनमा सुरु हुदै छ। आज र भोली दुई दिनसम्म चल्ने महाधिवेशन चितवनको भरतपुर स्थित सिएमटी रिसोर्ट हाकिम चोकमा हुदैछ।

परिषद्ले दिएको जानकारी अनुसार महाधिवेशनको सम्पूर्ण तयारी पूरा भएको छ भने महाधिवेशनको समुद्घाटन गण्डकी प्रदेशका प्रमुख पृथ्वीमान गुरुङले गर्नेछ। महाधिवेशनका लागि जिल्ला जिल्लाबाट आउने प्रतिनिधिहरु धेरै जसो आईसकेको र कतिपय आउने क्रम जारी रहेको छ।

महाधिवेशन सम्पन्न गर्नका लागि केन्द्रीय अध्यक्ष रेशम गुरुङको संयोजकत्वमा २३१ सदस्यीय मूल आयोजक समिति गठन गरिएको छ । साथै चितवनका अध्यक्ष गणेशबहादुर गुरुङको संयोजकत्वमा १५१ सदस्यीय ब्यवस्थापन समिति गठन गरिएको छ ।

महाधिवेशनमा संगठन विस्तार भएका देशभरका ६५ जिल्लाबाट एक हजार प्रतिनिधिहरू सहभागी हुने अध्यक्ष गुरुङले जानकारी दिनुभयो ।

यस बर्षको मुल नारा “तमुवान स्वयत्तता, हाम्रो साझा प्रतिबद्धता !” भन्ने रहेको अध्यक्ष तमूले बताउनुभयो । महाधिवेशनले नयाँ नेतृत्व चयन गर्ने छ । २८ सदस्यीय सचिवालय र ७७ सदस्यीय संघि समिति गठन गर्दै महाधिवेशन सम्पन्न हुने परिषद्ले जनाएको छ ।

तमू जातीको भाषा, लिपि, धर्म, संस्कार र संस्कृतिको संरक्षण एवं सम्वद्र्धन गर्नका साथै आफ्नो समुदायको हक, हित र अधिकारका लागि गठन गरिएको तमू ह्युल छोँज धीं गुरुङ राष्ट्रिय परिषद् विशुद्ध जातीय संगठन हो ।