- आइतवार, कार्तिक २३ गते २०८३
TRENDING
हात्तिवाङ, २२ चैत । चितवनको इच्छाकामना गाउँपालिकाले नमूना खोर निर्माण र सुधारका लागि गाउँपालिका भित्रका बाख्रा पालक किसानहरुलाई अनुदान दिन सुरु गरेको छ। गाउँपालिकाको विकास सँगै स्थानीय नागरिकको गुणस्तीय जीवन सुधारमा लाग्ने स्थानीय सरकारको उद्देश्य अनुरुप किसानहरुको आर्थिक समृद्धिमा सघाउ पुर्याउने अभिप्रायले गाउँपालिकाले बाख्रा पालक किसानहरुको लागि अनुदान रकम वितरण सुरु गरेको हो।
पहिलो चरणमा इच्छाकामना गाउँपालिका वडा नं. १ का ३ वटा समूहका ३३ जना बाख्रा पालक किसानहरुलाई जनही १० हजारको दरले अनुदान रकम वितरण गरिएको गाउँपालिका अध्यक्ष गीता कुमारी गुरुङले जानकारी दिए। उनका अनुसार गाउँपालिकाले गाउँपालिका भित्रका ५२ वटा समूहका १ सय ३० जनालाई नमूना खोर निर्माण र सुधारका लागि अनुदान रकम वितरण गरिनेछ।
यसका लागि गाउँपालिकाले हेफर इन्टरनेशनल नामक गैरसरकारी संस्थासँग सहकार्य र समन्वय गरिएको उनले बताए। अध्यक्ष गुरुङका अनुसार जम्मा लागतको २५ प्रतिशत खर्च संस्थाले व्यहोर्ने छ भने बाँकी गाउँपालिकाले उपलब्ध गराउनेछ। यस्तै आगामी ३ वर्ष भित्रमा गाउँपालिकाले १ करोड ५२ लाख रुपैयाँ यो कार्यक्रम अन्तर्गत खर्च गर्ने तयारी रहेको पनि उनले बताए।
यसैगरि उत्कृष्ट खोर निर्माण गर्ने समूहका एक जना किसानलाई २५ हजार नगद रकम सहित पुरस्कृत गर्ने गाउँपालिका अध्यक्ष गुरुङले जानकारी दिएका छन्। यहि कार्यक्रम अन्तर्गत अब छिट्टै किसानहरुलाई बिउ बाख्रा बाड्नुका साथै युवा र बा समूहहरु गठन गरि जीवन परिवर्तनको लागि आधारशिला तालिम दिने उनले बताए।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
