मुग्लिनको त्रिवेणी वराह माविमा शिक्षा विरोधी हर्कत : कम्प्युटर इन्जिनियरिङको पठनपाठन ठप्प

अज्ञात समूहले विद्यालयको अर्थिङ प्रोटेक्सन सिस्टममा क्षति पुर्‍याईदिदा पठनपाठन ठप्प पार्नु परेको विद्यालयको भनाई

इच्छाकामना न्युज

१०, चैत्र २०७८

मुग्लिनको त्रिवेणी वराह माविमा शिक्षा विरोधी हर्कत : कम्प्युटर इन्जिनियरिङको पठनपाठन ठप्प

मुग्लिन, १० चैत । प्राविधिक धारतर्फ कम्प्युटर इन्जिनियरिङको पढाई हुने जिल्लाकै एकमात्र सामुदायिक विद्यालय त्रिवेणी बराह माविमा कम्प्युटर इन्जिनियरिङको पठनपाठन ठप्प भएको छ। विद्यालयको सम्पूर्ण विद्युतीय कम्पोनेन्टहरुमा खरावी उत्पन्न भएको कारण इच्छाकामना गाउँपालिका ५ मुग्लिनमा रहेको त्रिवेणी बराह माविमा कम्प्युटर इन्जिनियरिङको पठनपाठन ठप्प भएको हो।

विद्यालयका सहायक प्रध्यानाध्यापक शंकर सिलवालले दिएको जानकारी अनुसार ल्त्ब्(ल्भउब ित्भभिअयmmगलष्अबतष्यल ब्गतजयचष्तथ) ले निर्माण गरिदिएको अर्थिङ प्रोटेक्सन सिस्टम अज्ञात समूहले उखेलेर नष्ट गरिदिएका कारण विद्यालयको सम्पूर्ण विद्युतीय कम्पोनेन्टहरुमा खरावी उत्पन्न भएकोले विद्यालयले कम्प्युटर इन्जिनियरिङको पठनपाठन ठप्प गर्नुपरेको हो। शिक्षा विरोधी हर्कत गर्नेले यो गलत काम गरेको उनले बताए।

तत्काल पठनपाठन र प्रयोगात्मक कार्यक्रम स्थगित गर्नु पर्ने दुखद परिस्थिती सिर्जना भएको भएपनि छिट्टै मर्मत गरि कक्षा सञ्चालनमा ल्याईने उनले बताए। यस्तै उक्त कार्य गर्ने दोषी पत्ता लगाई कारबाही गर्नका लागि सम्बन्धित निकायसँग छलफल चलिरहेको पनि विद्यालयका सहायक प्रध्यानाध्यापक सिलवालले बताए।.