तरुण दल आँबुखैरेनीद्वारा विभिन्न क्लबहरुलाई खेलकुद र स्वास्थ्य सामाग्री वितरण

इच्छाकामना न्युज

१२, आषाढ २०७८

तरुण दल आँबुखैरेनीद्वारा विभिन्न क्लबहरुलाई खेलकुद र स्वास्थ्य सामाग्री वितरण

आँबुखैरेनी, १२ असार ।

नेपाल तरुण दल आँबुखैरेनीले आँबुखैरेनी गाउँपालिका भित्र रहेका विभिन्न क्लबहरुलाइ खेलकुद तथा स्वास्थ्य सामाग्री वितरण गरेको छ। तरुण दलले आज आँबुखैरेनी गाउँपालिका ५ लाब्दिखोलामा एक कार्यक्रमको आयोजना गरि वडा नं. ५ र ६ का विभिन्न क्लबहरुलाइ खेलकुद तथा स्वास्थ्य सामाग्री वितरण गरेको हो।

आँबुखैरेनी ५ को पन्चकन्या युवा क्लब घुमाउने र लाब्दी युवा क्लब लाब्दीखोलालाई खेलकुद सामाग्री वितरण गरेको छ।

यस्तै आँबुखैरेनी ६ को क्षितिज युवा क्लब रतनपुर, नयाँ रोधी युवा क्लब डिखेत, प्युघर युवा क्लब प्युघरलाई खेलकुद सामाग्री वितरण गरेको छ भने नेपाल महिला संघ आबुखैरेनी ६ ईकाई समिति र सिद्ध जनक एकता आ. बि. डिखेतलाई स्वास्थ सामाग्री वितरण गरेको तरुण दल आँबुखैरेनीका अध्यक्ष विजय गुरुङले जानकारी दिए।

यस्तै वडा नं. ५ र ६ का क्रियाशिल कार्यकर्ताहरुसँग नेपाली कांग्रेसको १४ औ महाधिवेशन बारे छलफल र भेटघाट समेत गरिएको उक्त कार्यक्रममा नै खेलकुद र स्वास्थ सामाग्री वितरण गरिएको उनले बताए।

तरुण दल आँबुखैरेनी ५ का सभापती सुक बहादुर मगरको सभापतित्वमा आयोजित कार्यक्रममा प्रमुख अतिथी तरुण दल आँबुखैरेनीका अध्यक्ष विजय गुरुङ, बिशिस्ट उपाध्यक्ष दिपेन्द्र अधिकारि, अतिथिहरुमा सचिव जय गुरुङ स्थानिय समाजसेवी नरमान गुरुङ लगायतको सहभागीता रहेको थियो।