लक्ष्मण विश्वकर्मा, दाङ, १७ जेठ । लुम्बिनी प्रदेश अन्र्तगत राष्ट्रियसभा सदस्यमा नेपाली काँग्रेसका उम्मेदवार दिर्गनारायण पाण्डे विजयी हुनु भएको छ । आज भएको उपनिर्वाचनमा पाण्डेले ४ हजार १ सय ४० मतभार प्राप्त गरी राष्ट्रिय सदस्यमा विजयी हुनु भएको निर्वाचन कार्यालय लुम्बिनी प्रदेश दाङले जनाएको छ ।

उहाँका प्रतिद्धन्द्धी नेकपा एमालेका उम्मेदवार चन्द्र बहादुर खड्काले ३६१२ मतभार प्राप्त गर्नु भएको निर्वाचन अधिकारी निमराज भट्टराईले जानकारी दिनुभयो । पाण्डेले पाँच सय २८ मतभार अन्तरले खड्कालाई पराजित गर्नु भएको हो ।

राष्ट्रिय सभा सदस्यका लागी दाङको कर्मचारी मिलन केन्द्र घोराहीमा आज विहान ९ बजेदेखी दिउँसो तिन बजे सम्म मतदान भएको थियो । प्रदेशका ८३ जना र प्रदेश अन्र्तगतका स्थानिय तहका प्रमुख तथा उपप्रमुख २१७ गरी जम्मा ३०० मतदाता रहेकोमा २९७ जनाले मतदान गरेको निर्वाचन अधिकारी भट्टराईले जानकारी दिनुभयो ।

प्रदेश सांसद ८३ जना सवैले मतदानमा सहभागी जनाएका छन् भने स्थानिय तहका तिन जना मतदाता अनुपस्थित भएका छन् । जसमा स्थानीय तहतर्फ बाँके नेपालगञ्ज उपमहानगरपालिकाका प्रमुख धवल सम्शेर राणा, नरैनापुर गाउँपालिकाका अध्यक्ष इश्तियाक अहमद शाह, गुल्मीको गुल्मी दरबार गाउँपालिकाका अध्यक्ष अशोककुमार थापाले मतदानमा भाग नलिएको बताईएको छ ।

काँग्रेसको उम्मेदवार पाण्डेलाई नेकपा माओवादी केन्द्र, जनता समाजवादी पार्टी जसपा र राष्ट्रिय जनमोर्चा पार्टीको समर्थन रहेको छ । प्रदेशसभा सदस्यको ४८ र स्थानीय तहका प्रमुख तथा उपप्रमुखको १८ मतभार रहेको थियो । मतदानका लागी तिन वटा मतदान केन्द्र तयार पारिएको थियो ।

प्रदेस सांसद, स्थानिय पालिकाका प्रमुख उपप्रमुखका लागी र कोरोना संक्रमित मतदाताको लागी छुट्टाछुट्टै मतदान केन्द्र तयार पारिएको थियो । जसमा  कोरोना संक्रमित २७ जना मतदाताले मतदान गरेका छन् । जसमा प्रदेशका ३ र स्थानीयतर्फका २४ जनप्रतिनिधिले मतदान गरेको प्रदेश निर्वाचन कार्यालयले बताएको  छ ।