- सोमवार, कार्तिक १० गते २०८३
TRENDING
देवघाट, २७ बैशाख । तनहुँको देवघाट गाउँपालिका वडा नम्बर ५ को कार्यालय स्थानान्तरण गरिएको छ । वडा कार्यालय आज चक्रवर्ती आधारभुत विद्यालयको नयाँ भवनमा स्थानान्तरण गरिएको हो।
यो सँगै वडा कार्यालयको कामकाज अब उक्त विद्यालयको भवनबाट संचालन हुने भएको हो । हाल वडा कार्यालय रहेको स्थानमा देवघाट आधारभुत स्वास्थ्य चौकी निर्माण सुरु भएको र स्वास्थ्य चौकीलाई वडा कार्यालय रहेको जग्गाको भोगाधिकार समेत दिनु पर्ने भएपछि वडा कार्यालय सारिएको वडा अध्यक्ष यालबहादुर गुरुङले बताए ।
सरकारले देवघाटमा १० शैयाको आधारभुत स्वास्थ्य चौकी बनाउने निर्णय गरेपछि हाल वडा कार्यालय रहेको स्थानको ९ रोपनी क्षेत्रफलको जग्गा उपलब्ध गराउने गाउँ कार्यपालिकाको बैठकले निर्णय गरेको थियो । साथै वडा कार्यालयलाई चक्रवर्ती आधारभुत विद्यालयको नयाँ बनेको भवनको कोठा उपलब्ध गराउने निर्णय समेत कार्यपालिकाको बैठकले गरेको वडा अध्यक्ष गुरुङले बताए ।
सोही निर्णय अनुसार सोमबार वडा कार्यालय सारिएको उनले बताए । सो विद्यालयमा विद्यार्थीको संख्या न्युन भएको हुँदा नयाँ शैक्षिक सत्रबाट विद्यालयलाई मर्ज गर्ने तयारी समेत भएको छ ।
यसैविच नेपाली काँग्रेसका केही कार्यकर्ताहरुले वडा कार्यालय सार्न लागेकोमा विरोध गरेका छन् । उनीहरुले वडा कार्यालय सार्न पाईदैन भन्दै नारावाजी गरेपनि वडा कार्यालयको बोर्ड विद्यालय भवनमा टाँसिएको छ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
