- मंगलवार, कार्तिक १८ गते २०८३
TRENDING
जीवन कैला, बाजुरा, १४ बैशाख । बाजुराको बुढीनन्दा नगरपालिका वडा नं एकमा रहेको प्राथमिक स्वास्थ्य केन्द्र कोल्टी फेरी डाक्टर विहिन वनेको छ । स्वास्थ्य केन्द्रमा कार्यरत डाक्टर राजु राज जैशी गए पछि कोल्टी प्राथमिक स्वास्थ्य केन्द्र डाक्टर विहिन वनेको हो ।
करीव एक वर्ष देखि दुर्गम क्षेत्र कोल्टीमा रहेर सेवा दिदै आउनुभएका डाक्टर जैशी हिजो विदाई भएर जानुभएको छ । जैशीको एक वर्षे कार्यकाल सकिए पछि बाजुराबाट विदाई भएर जानुभएको स्वास्थ्य केन्द्र कोल्टीले जनाएको छ ।
सरकारी छात्रबृत्तिमा अध्ययनरत स्वास्थ्यकर्मीले २ वर्ष अनिवार्य रुपमा दुर्गममा रहेर सेवा दिनुपर्ने सरकारको प्रावधान रहेको छ । सोहि निति अनुरुप दुर्गम क्षेत्रमा रहेर सेवा दिनुभएका डाक्टर जैशीको कार्य अवधि सकिएकोले विदाई भएर जानुभएको जनस्वास्थ्य निरीक्षक ओमजङ्ग शाहीले जानकारी दिनुभयो ।
डाक्टर जैशीले कोल्टी छोडेर गए पछि प्राथमिक स्वास्थ्य केन्द्र अहिले पुरानै अवस्थामा फर्किएको छ । सामान्य उपचार वाहेक अन्य जटिल खालको उपचारका लागि सुविधा सम्पन्न ठाउँमा जानुपर्ने वाध्यता भोग्दै आएका स्थानीयलाई विरामी हुदा के गर्ने भन्ने चिन्ताले सताएको छ ।
जनस्वास्थ्य निरीक्षक शाहीका अनुसार प्राथमिक स्वास्थ्य केन्द्र कोल्टीमा १२ जनाको दरवन्दि रहेको छ । एक जना मेडिकल अधिकृत, एक जना हेल्थ असिष्टेन्ट, एक जना स्टाफ नर्स, तिन जना अनमि, तिन जना अहेव, एक जना ल्याप असिष्टेन्ट र २ जना कार्यालय सहयोगिको दरवन्दि रहेको उहाँले बताउनुभयो ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
