आँबुखैरेनी, ६ बैशाख । तनहुँको आँबुखैरेनी गाउँपालिका ३ स्थित राम शाह माविका शिक्षक स्वर्गीय कृष्णचन्द्र अधिकारीको परिवारलाई माछापुच्छ्रे बैंकले १० लाख रुपैयाँ रकम प्रदान गरेको छ। बैंकले स्वर्गीय शिक्षक कृष्णचन्द्र अधिकारीको परिवारलाई दुर्घटना बिमा वापत प्राप्त उक्त रकम आज एक कार्यक्रमका बिच प्रदान गरिएको हो। बैंकले विद्यालयका प्रध्यानाध्यापक प्रेमराज लामिछाने तथा शिक्षकहरुको रोहवरमा स्वर्गीय शिक्षकका श्रीमती हरिमाया न्यौपानेलाई प्रदान गरिएको थियो। 

रामशाह माविमा कार्यरत रहदै गर्दा स्वर्गीय शिक्षक अधिकारीको गत पुस १३ गते मोटरसाइकल दुर्घटना परि पुस १४ गते उपचारको क्रममै निधन भएको थियो। विद्यालयले शिक्षकहरुको तलब खुवाउनका लागि स्वर्गीय शिक्षक अधिकारीसँगै सबै शिक्षहरुको तलबी खाता माछापुच्छे्र बैंकको आँबुखैरेनी शाखामा संचालन गरेको थियो। बैंकको स्किम अनुसारको स्मार्ट तलबी खाता संचालन गर्ने ग्राहकलाई दुर्घटना बिमा सुविधा दिने गरिएको थियो।

सोहि बमोजिम स्वर्गीय शिक्षक अधिकारीको दुर्घटना परि निधन भएकोले बिमा वापतको रकम दाबि गरि भुक्तानी गरिएको बैंकको आँबुखैरेनी शाखा प्रमुख शोभा श्रेष्ठले जानकारी दिए। यस्तै पिडित परिवारलाई रकम हस्तान्तरण गर्दै माछापुच्छे्र बैंकमा स्मार्ट तलबी खाता संचालन गरे १० लाख रुपैयाँ बराबरको दुर्घटना मृत्यु बिमा, ३ लाख बराबरको घातक रोग बिमा र १ लाख रुपैयाँ बराबरको स्वास्थ्य बिमा सुविधा पाउन सकिने शाखा प्रमुख श्रेष्ठले बताइन्। 

यसैगरि बैंकले ग्राहकलाई अतिरिक्त सुविधा वापत यसरी सेवा दिएकोमा रामशाह मावि आँबुखैरेनीका प्राध्यानाध्यापक प्रेमराज लामिछाने बैंकलाई धन्यवाद व्यक्त गरे।