- शुक्रवार, कार्तिक २१ गते २०८३
TRENDING
अमेरिकी राष्ट्रपति जो बाइडेनले १ दशमलव ९ ट्रिलियन डलरको आर्थिक राहत विधेयकमा हस्ताक्षर गरेका छन् । कोभिड–१९ महामारीबाट प्रभावित भएका अमेरिकी नागरिकहरुलाई सहयोग गर्नका लागि राष्ट्रपति बाइडेनले आर्थिक राहत विधेयकमा हस्ताक्षर गरेका हुन ।
राष्ट्रपति बाइडेनले हस्ताक्षर गरेलगत्तै विधेयकले कानूनी रुप ग्रहण गरिसकेको छ । यो विधेयकमा १४ सय डलरको भुक्तानी, बेरोजगार भत्ताहरुको विस्तार, चाइल्ड ट्याक्स क्रेडिट जस्ता योजनाहरु पनि समावेश छन्ज । यसबाट के अनुमान लगाउन सकिन्छ भने यसले करोडौं मानिसहरुलाई गरिबीबाट बाहिर निकाल्ने छ ।
राष्ट्रपति बाइडेनले राहत प्याकेजले देशको आर्थिक मेरुदण्डलाई पुनः गतिशिल बनाउने बताएका छन । यो खर्चहरुको विधेयकलाई अमेरिकी इतिहासकै सबैभन्दा ठूलो राशीको विधेयक भएको बताइएको छ । विधेयकलाई अमेरिकी संसदको दुवै सदनले पारित गरिसकेको छ ।
बाइडेनले यो विधेककका थुप्रै प्रावधानहरुका बारेमा जानकारी गराउन आज देशलाई सम्बोधन गर्दैछन् । राष्ट्रपति बाइडेन र अन्य डेमोक्रेट नेताहरु आज ह्वाइट हाउसमा आयोजना हुने एक हस्ताक्षर समारोहमा समेत भाग लिनेछन् । यो छैठौं कोभिड–१९ राहत विधेकलाई बाइडेनको विधायीकी जीत पनि भनिएको छ । किनकी यो प्याकेजलाई आम अमेरिकी नागरिकहरुले समर्थन गरेका छन ।
पिउ रिसर्च सेन्टरको एउटा सर्वेक्षण अनुसार ७० प्रतिशत अमेरिकी युवाहरुले विधेयकको समर्थन गरेका थिए । समर्थन गर्नेहरुमा ४१ प्रतिशत रिपब्लिकनहरु पनि समावेश रहेको मार्केट वाचले जनाएको छ ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
