- मंगलवार, भाद्र ९ गते २०८३
TRENDING
कुलप्रसाद काफ्ले, भरतपुर । करिब सात वर्ष लगाएर निर्माण गरिएको देवघाटको विद्युतीय शवदाह यन्त्र बिग्रिएको छ । पुस ६ गते यता यन्त्रबाट शवदाहको काम हुन सकेको छैन । सञ्चालनमा आएको एक महिना नपुग्दै शवदाह गृहको काम ठप्प भएपछि देवघाटमा शवहरुलाई पुनः दाउराले जलाउन थालिएको छ ।
शवदाह गृहको निर्माण जिम्मा पाएको निर्माण कम्पनीलाई पनि बोलाइएको छ । उनका अनुसार निर्माण सम्पन्न भएको एक वर्षसम्म निर्माण कम्पनीले मर्मत गरिदिने गरी सम्झौता भएको थियो । ११ करोड २१ लाख आठ हजार रुपैयाँमा निर्माण भएको शवदाह गृहमा एउटा शव जल्न ४५ मिनेट लाग्ने बताइएको थियो । तर, परीक्षणका क्रममा एउटा शव जल्न नौ घण्टासम्म लागेको छ ।
सघन शहरी तथा भवन निर्माण आयोजनाले निर्माण गरेको शवदाह गृह गत असोज २४ गते भरतपुर महानगरपालिकालाई हस्तान्तरण गरिएको थियो । महानगरले कार्यविधि बनाएर मङ्सिर १६ गतेदेखि शवदाह गृह प्रयोगमा ल्याएको थियो । शवदाह गृह सञ्चालनका लागि महानगरले दुई सिफ्टमा गरी १० जना कर्मचारी खटाएको थियो ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
