काँग्रेस बागमतीको महामन्त्री राजु श्रेष्ठको खुलापत्र

इच्छाकामना न्युज

१७, श्रावण २०८२

काँग्रेस बागमतीको महामन्त्री राजु श्रेष्ठको खुलापत्र

हेटौडा । आफ्नै पार्टीको आन्तरिक किचलोसँगै मुख्यमन्त्री बहादुर सिंह लामाको पद धरापमा परेपछि नेपाली काँग्रेस बागमती प्रदेशका महामन्त्री राजु श्रेष्ठले खुलापत्र लेखेका छन् । सामाजिक सञ्जाल फेसबुक मार्फत उनले खुलापत्र लेखेका छन् । महामन्त्री श्रेष्ठले लेखेको खुलापत्र यस्तो छ ।

खुल्ला पत्र ||

नेपालको संघिय लोकतान्त्रिक गणतन्त्रात्मक संविधान २०७२ ले संघीयता मार्फत जनताको सार्वभैम अधिकार, स्वायत्तता र स्वाधीनताको अधिकार स्थापित गर्दै सबै प्रकारका सामन्ती, निरंकुश, केन्द्रिकृत र एकात्मक राज्य व्यवस्था द्वारा सृजित सबै प्रकारका विभेद र उत्पीडनको अन्त्य गर्ने उदघोष गरेको छ |

नागरिकमा व्याप्त असन्तुष्टि बीच राजनैतिक स्थिरता, समृद्धि र सुशासनको हवाला दिँदै अन्तिम विकल्पको रुपमा, कल्पना भन्दा बाहिर, यस दुर्लभ गठबन्धनको सरकार अन्तर्गत वाग्मती प्रदेशमा मुख्यमन्त्री बहादुर सिंह लामा आफ्नै पार्टीको विभेदपूर्ण चुनौती लाई - संविधानको पालना, विधिको शासन र संविधानको पालना गर्ने अठोटका साथ संवैधानिक ढंगले सामना गरि रहेका छन् |

झट्ट हेर्दा मुख्यमन्त्रीको बर्खास्ती पार्टीको आन्तरिक समस्या जस्तो देखिने यो संघर्ष, विद्यमान अवस्थामा कांग्रेसको आन्तरिक किचलो नभई निहित वर्गको स्वार्थबाट संचालित राज्य व्यवस्थाको "ऐना" हो |लोकतन्त्रमा जवाफदेहिता हुनु पर्ने हो तर वाग्मती प्रदेशका नागरिकका प्रश्नहरु अनुत्तरित छन् |

राजु श्रेष्ठ

महामन्त्री

नेपाली कांग्रेस बाग्मती प्रदेश

Facebook