- सोमवार, कार्तिक १० गते २०८३
TRENDING
आँबुखैरेनी, जेठ २० । छुवाछुत तथा जातीय भेदभाव उन्मूलन दिवसको अवसरमा भोलि जेठ २१ गते (बिहीबार) आँबुखैरेनी गाउँपालिकामा स्थानीय विदा दिइने भएको छ।
गाउँपालिकाको जेठ १९ गते बसेको गाउँकार्यपालिकाको बैठकले उक्त निर्णय गरेको हो। वि.सं. २०६३ साल जेठ २१ गते नेपाल सरकारले मुलुकलाई ‘जातीय छुवाछुतमुक्त राष्ट्र’ घोषणा गरेको सम्झनामा प्रत्येक वर्ष यो दिनलाई जातीय भेदभाव तथा छुवाछुत उन्मूलन दिवसको रूपमा मनाइँदै आएको छ।
गाउँपालिका अध्यक्ष शुक्र चुमानका अनुसार संविधानले सुनिश्चित गरेको सामाजिक न्याय, समावेशिता, सहिष्णुता र समानतामा आधारित समतामूलक समाज निर्माणको दिशामा सबैले योगदान पुर्याउनुपर्ने आवश्यकता रहेको उल्लेख गर्दै, छुवाछुतजस्तो अमानवीय व्यवहार अन्त्य गर्न सचेतना फैलाउनु महत्त्वपूर्ण रहेको बताए।
विदाको दिन गाउँपालिकाको कार्यालय, सबै वडाहरु, स्वास्थ्य संस्थाहरु, शैक्षिक संस्थाहरु तथा मातहतका अन्य कार्यालयहरु बन्द रहने जनाइएको छ। सो अवसरमा विभिन्न सचेतनामूलक तथा रचनात्मक कार्यक्रम सञ्चालन गरिने जानकारी पनि दिइएको छ।
अध्यक्ष चुमानले छुवाछुत तथा जातीय विभेद विरुद्धको दिवसले समाजमा सकारात्मक परिवर्तन र समावेशी भावना विकास गर्न सघाउ पुगोस् भन्ने शुभकामना समेत व्यक्त गरेका छन्।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
