- मंगलवार, कार्तिक २५ गते २०८३
TRENDING
काठमाडौँ । प्रधानमन्त्री केपी शर्मा ओलीकी पत्नी राधिका शाक्यले ओलीलाई गिज्याउने र गाली गर्नेले आफ्नो सन्तानको भविष्य अन्धकार बनाइरहेको बताएकि छन्।
शनिवार काभ्रेमा आयोजित कार्यक्रममा बोल्दै शाक्यले सामाजिक सञ्जालले समाजलाई नकारात्मकतातिर डोहोर्याइरहेको अवस्था रहेको भन्दै उक्त टिप्पणी गरेकी छन्। ‘करिब–करिब धेरै भाग त केपी सरलाई गाली गर्नमा नै छ जस्तो लाग्छ । तर, त्यो गाली गरेर हामीलाई त केही पनि हुने वाला छैन । हामी कति नै बाँच्छौँ अब ? हामी भनेको उत्तरार्द्धतिर पुगिसकेका मान्छे हौँ,’ उनले भनेकी छन्, ‘हामीले हिजो पञ्चायतको दमन त सहँदै आएका मान्छे हौँ भने अहिले यस्तो खुल्ला वातावरणमा बस्न पाएका छौँ । हामीले सहन सक्दैनौँ र ? सक्छौँ ।’
तर जस जसले प्रधानमन्त्री ओलीलाई गाली गरेर खुसी मनाइरहेका छन्, उनीहरूले आफ्नै सन्तानको भविष्य अन्धकार बनाइरहेको उनले बताएकी छन्। ‘आज केपी ओलीलाई गिज्याउन र केपी ओलीलाई गाली गर्न पाएँ भनेर खुसी भइराख्नु भएको छ, आखिरमा उहाँहरूकै भविष्य अन्धकार हुन्छ । उहाँहरूले आफ्नै खुट्टामा बन्चरो आफैँले हान्दै हुनुहुन्छ र आफ्नो सन्तान दर सन्तानको भविष्य अन्धकार बनाउँदै हुनुहुन्छ भन्ने मेरो निष्कर्ष छ ।’ त्यस्ता गालीले ओली र आफूलाई केही नहुने पनि उनले बताएकी छन्।
आज अहिले यति बोलेँ, भरेदेखि अहो, बुढा कस्तो छ बुढी पनि उस्तै रहेछ भनेर मलाई गाली गर्नुसम्मको कमेन्टहरू आउँछन् । थाहा छ मलाई । तर, मैले यहाँ नराम्रो केही कुरा गरेँ ? गरेजस्तो लाग्दैन,’ शाक्यले भनेकी छन्।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
