आँबुखैरेनी, २८ पौष । तनहुँको आँबुखैरेनीमा रहेको रामशाह माध्यमिक विद्यालयले शनिबार आफ्नो ५४ औं वार्षिक उत्सव तथा अभिभामवक मिलन समारोह भव्य रुपले मनाएको छ ।

आँबखैरेनी गाउँपालिका वडा नं. ३, स्थित विद्यालयको प्राङ्गणमा एक भव्य कार्यक्रमको आयोजना गरी विद्यालयको ५४ औं वार्षिक उत्सव भव्य रुपले मनाईएको विद्यालयका प्रधानाध्यापक प्रेमराज लामिछानेले बताए । विद्यालयको वार्षिक उत्सव तथा अभिभामवक मिलन समारोहको तनहुँ क्षेत्र नं. १ का संघिय सांसद डा. स्वर्णिम वाग्लेले समुद्घाटन गर्नुभएको थियो ।

विद्यालय व्यवस्थापन समितीका अध्यक्ष दिनेश के.सीको सभापतित्वमा सम्पन्न कार्यक्रममा विद्यालयका प्रधानाध्यापक प्रेमराज लामिछानेले वार्षिक प्रतिवेदन प्रस्तुत गर्नुभएको थियो । उक्त समारोहमा ४ दशक विद्यालयमा अध्यापन गराउने हुने शिक्षक प्रेम बहादुर अछामीलाई सम्मान तथा विदाई गरिएको थियो ।

यस्तै, सो अवसरमा विद्यालयका उत्कृट कक्षागत २२ जना शिक्षक–शिक्षिकालाई सम्मान गरिएको विद्यालयले जनाएको छ । कार्यक्रममा तनहुँ क्षेत्र नं. १ का संघिय सांसद डा. स्वर्णिम वाग्ले, आँबुखैरेनी गाउँपालिकाका अध्यक्ष शुक्र चुमान, उपाध्यक्ष दुर्गा अर्याल, वडा नं. ३ का वडाअध्यक्ष दिनेश के.सी लगाएतको उपस्थिती रहेको थियो ।

बार्षिक उत्सव समारोहमा विद्यालयका विद्याथीहरुद्धारा विविध सांस्कृतिक कार्यक्रम, नेपाल रेडक्रस तथा स्काउटका विद्यार्थीहरुद्धारा मार्च पास, स्काउटका विद्यार्थीहरुद्धारा जिप लाईन तथा स्काउट नृत्य प्रस्तुत, शिक्षिकाहरुद्धारा नृत्य प्रस्तुत गरिएको थियो । कार्यक्रमको संचालन विद्यालयका शिक्षक राजेश सुनामले गर्नुभएको थियो ।