तेस्रो आँबुखैरेनी गाउँपालिका अध्यक्ष कप – व्याडमिन्टन प्रतियोगिता २०८१ सुरु

इच्छाकामना न्युज

१९, पौष २०८१

आँबुखैरेनी, १८ पौष । तनहुँको आँबुखैरेनीमा आजबाट तेस्रो आँबुखैरेनी गाउँपालिका अध्यक्ष कप – व्याडमिन्टन प्रतियोगिता २०८१ सुरु भएको छ ।

आँबुखैरेनी व्याटमिन्टन संघको आयोजनामा सुरु भएको आँबुखैरेनी गाउँपालिका अध्यक्ष कप – व्याडमिन्टन प्रतियोगिताको एक कार्यक्रमकाबीच आँबुखैरेनी गाउँपालिका अध्यक्ष शुक्र चुमानले उद्घाटन गर्नुभएको छ ।

उद्घाटनको पहिलो दिनमा बि लेभल र सि लेभलका विभिन्न खेलहरु सम्पन्न भएका छन् । बि लेभलमा प्रथम हुने टिमले ५० हजार ३ सय रुपैंया, द्धितिय हुने टिमले ३० हजार ३ सय रुपैंया र तृतीय हुने टिमले १० हजार ३ सय रुपैंया साथमा शिल्ड, मेडल र प्रमाणपत्र प्राप्त गर्नेछन् ।

यसैगरी, सि लेभलमा प्रथम हुने टिमले २५ हजार ३ सय रुपैंया, द्धितिय हुने टिमले १५ हजार ३ सय रुपैंया र तृतीय हुने टिमले ५ हजार ३ सय रुपैंया साथमा शिल्ड, मेडल र प्रमाणपत्र प्राप्त गर्ने आँबुखैरेनी व्याडमिन्टन संघका अध्यक्ष बालचन्द्र पन्थले जानकारी दिए ।

उद्घाटन कार्यक्रममा गाउँपालिका अध्यक्ष शुक्र चुमान, इलाका प्रहरी कार्यालय आँबुखैरेनीका प्रहरी निरीक्षक टेक प्रसाद सुवेदी, वडा न.. ३ का वडाध्यक्ष दिनेश के.सी, तनहुँ उद्योग वाणिज्य संघ आँबुखैरेनी बजार इकाई समितीका सभापति भगवान श्रेष्ठ, वडा सदस्य मनोज कुमार श्रेष्ठ, राजु थापा लगाएतको उपस्थिती रहेको संघका सचिव सुमन श्रेष्ठले जानकारी दिए ।