भोली इच्छाकामना, आँबुखैरेनी र गोरखामा विद्युत सेवा अवरुद्ध हुने

इच्छाकामना न्युज

२९, मंसिर २०८१

भोली इच्छाकामना, आँबुखैरेनी र गोरखामा विद्युत सेवा अवरुद्ध हुने

आँबुखैरेनी , २९ मङ्सिर : तनहुँको मार्किचोक र आँबुखैरेनी सव स्टेशनवाट विधुत आपुर्ति हुने चितवनको इच्छाकामना, तनहुँको आँबुखैरेनी गाउँपालिका तथा गोरखाको विभिन्न क्षेत्रमा आइतबार विद्युत सेवा अवरुद्ध हुने भएको छ।

नेपाल विधुत प्राधिकरण तनहुँ वितरण केन्द्र दमौलीले दिएको जानकारी अनुसार मर्स्याङ्गदी(काठमाण्डौ २२० के भि प्रशारण लाईन आयोजनावाट तनहुँको मार्किचोकमा निर्माण भएको २२० के भि जिआइएस मर्स्याङ्गदी सवस्टेशनको नयाँ कन्ट्रोल रूममा जडित सब स्टेसन अटोमोसन सिस्टम हाल सञ्चालनमा रहेको १३२र३३ के भि न्यु मर्स्याङ्गदी सव स्टेशनलाई आवद्द गर्नको लागि ट्रान्सफरमर सटडाउनमा राखि कार्य गर्नुपर्ने भएकाले मङ्सिर ३० गते अइतबार मार्किचोक र आँबुखैरेनि सव स्टेशनवाट विधुत आपुर्ति हुने पृथ्वि राजमार्ग अन्तर्गतको याम्पा सत्रसय देखि आँबुखैरेनि, मुग्लिन वजार, मनकामना, कुरिनटार र गोर्खा जिल्ला सदरमुकाम लगायत आसपासका क्षेत्रहरू एवं सराँघाट सवस्टेशनको सवै क्षेत्रमा बिहान ८ बजेदेखि बेलुकी ५ बजेसम्म विद्युत सेवा अवरुद्ध हुने भएको हो।

निर्धारित समयअघि काम सम्पन्न सकिए विद्युत् सेवा अगावै सञ्चालनमा आउने नेपाल विधुत प्राधिकरण तनहुँ वितरण केन्द्र दमौलीले जनाएको छ ।