- सोमवार, कार्तिक १० गते २०८३
TRENDING
गोरखा —प्रसिद्ध धार्मिक स्थल मनकामनादेखि गोरखकाली मन्दिरसम्म खुला गोरखा म्याराथन दौड प्रतियोगिता हुने भएको छ ।
जिल्ला खेलकुद विकास समितिको आयोजनामा मंसिर २९ गते दौड प्रतियोगिता हुन लागेको हो । धार्मिक तथा ऐतिहासिक स्थलहरुको प्रचार प्रसार गर्ने उद्देश्यसहित दौड प्रतियोगिताको आयोजना गरिएको जिल्ला खेलकुद विकास समितिका अध्यक्ष कृष्ण सिंह(शान्त) बस्नेतले बताए ।
मनकामनादेखि सुरु हुने दौड ताक्लुङ, तिनमाने भञ्ज्याङ, घैरुङ, नाम्जुङ, काहुले भंगार(लखन थापा स्मारक), वुंकोट, ढुंगगाडे, अस्पतालचोक, हरमटारीचोक, बसपार्क, कालोबर चौतारा, तिनचापे खानेपानी कार्यालय, पस्लाङ चौतारा, धारापानी, बीपी चौतारा, ठूलोआँगन, सतिपिपल, गैह्रीकुवा, हनुमानढोका(गोरखकाली मन्दिर) हुँदै हनुमान थानमा पुगेर टुङ्गिने छ । मनकामनादेखि गोरखा दरबार सम्म ४२.१९५ किलोमिटर दुरीमा दौड हुने अध्यक्ष बस्नेतले बताए ।
प्रतियोगितामा १ सय ५० भन्दा बढी धावकको सहभागिता रहने अनुमान गरिएको छ ।
प्रतियोगितामा प्रथम हुनेले एक लाख ५० हजार, द्वितीय हुनेले १ लाख र तृतीय हुनेले ७५ हजार नगद पुरस्कार पाउने छन् । त्यस्तै, चौथो हुनेले ६० हजार, पाँचौँ हुनेले ५० हजार, छैटौँ हुनेले ४० हजार, सातौँ हुनेले ३५ हजार, आठौँ हुनेले २५ हजार, नवौँ हुनेले २० हजार र १० औँ हुनेले १५ हजार रुपैयाँ पुरस्कार पाउनेछन् । प्रतियोगिता संचालनका लागि २७ लाख ११ हजार दुई सय ५० रुपैयाँ खर्च लाग्ने अनुमान गरिएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
