कुरिनटार । चितवनको इच्छाकामना ५ स्थित नवनिर्मित पामडाडाँ स्वास्थ्यचौकी भवनको  समुद्घाटन भएको छ । गाउँपालिका अध्यक्ष दान बहादुर गुरुङले एक कार्यक्रमकाबिच  स्वास्थ्यचौकी भवनको समुद्घाटन गर्नुभएको हो । स्वास्थ्यचौकी भवनको उद्घाटन गर्दै गाउँपालिका अध्यक्ष  दान बहादुर गुरुङले  स्वास्थ्य सेवालाई प्रभावकारी बनाउन गाउँपालिकाले  आवश्यक  भवन लगायत  भौतिक पूर्वाधारहरु निर्माणमा जोड दिएको बताउनुभयो । साथै उहाँले दरबन्दी अनुसार आवश्यक स्वास्थ्यकर्मीहरु थप गर्दै जाने  बताउनुभयो । रु ३५ लाख बजेटमा उक्त स्वास्थ्यचौकी  भवन निर्माण कार्य सम्पन्न भएको हो ।  गाउँपालिका अध्यक्ष दान बहादुर गुरुङको प्रमुख अतिथि तथा वाड नम्बर ५ का वडाध्यक्ष तेज बहादुर शेचरनको सभापतित्वमा सम्पन्न समुद्घाटन कार्यक्रममा प्रमुख प्रशासकिय अधिकृत विशिष्ट अतिथि रहनुभएको थियो । कार्यक्रममा, कार्यपालिका सदस्य,वडा सदस्यहरु, स्वास्थ्यकर्मी, स्वास्थ्यचौकी सञ्चालन तथा व्यवस्थापन समितिका पदाधिकारीहरु, टोल विकासका अध्यक्ष तथा पदाधिकारी आमा समूहका प्रतिनिधि लगायत स्थानियहरुको उपस्थिति रहेका थिए ।    ६ जना दरबन्दी  रहेको पाम डाडाँ स्वास्थ्यचौकीमा हाल चार  जना स्वास्थ्यकर्मीहरुले सेवा प्रदान गरिरहेका  छन् ।  नयाँ भवन सञ्चालनसगैँ स्वास्थ्य सेवा थप प्रभावकारी बन्ने स्वास्थ्य शाखा प्रमुख जनस्वास्थ्य निरीक्षक हरि  देवकोटाकाले बताउनुभयो ।   उहाँका अनुसार गाउँपालिका भर हाल सम्म १२ वटा स्वास्थ्य संस्थाहरु छन् ।  एक वटा आधारभूत स्पताल, स्वास्थ्यचौकी चार,सामुदायिक  स्वास्थ्य इकाई तीन र  आधारभूत स्वास्थ्य सेवा केन्द्र चार वटा रहेका  छन् ।