पाल्पा । पाल्पाको सदरमुकाम तानसेनदेखि रानीमहल जाने क्रममा रानिमहल सडकखण्डको बैकुण्ठेमा जीप दुर्घटना हुँदा घटना स्थलमै छ जनाको मृत्यु भएको जिल्ला प्रहरी कार्यालय पाल्पाले जनाएको छ । 

आइतबार अन्दाजी अपराह्न बजेको समयमा जिल्ला पाल्पा तानसेन नगरपालिका वडा नं. १३ बैकुन्ठेभिरमा रानिमहलबाट तानसेनतर्फ आउँदै गरेको बाग्मती प्रदेश ०१–०२६ च ७२०९ नम्बरको जिप सडकबाट अन्दाजी १०० मिटर तल खसेको थियो । 

घटनास्थलबाट एक जना पुरुषको सख्त घाइते अवस्थामा उद्धार गरी उपचारको लागी युनाइटेड मिसन अस्पताल पाल्पामा पठाइएको थियो । घाइते रहेका चालक नवलपरासी पूर्व देवचुरी न.पा. १६ रजहर बस्ने वर्ष अन्दाजी ३६ को ईश्वर बहादुर लोहनी रहेका छन् । उनको अवस्था गम्भीर रहेको जिल्ला प्रहरी कार्यालय पाल्पाका प्रवक्ता प्रहरी निरीक्षक सन्तोष चन्दले जानकारी दिएका छन् ।

दुर्घटनामा परी ३ जना महिला, १ जना पुरुष, २ जना बालक गरी ६ जनाको घटनास्थलमा मृत्यु भएको थियो । मृत्यु हुनेहरुमा निम्नानुसार छन् । 

१.जिल्ला नवलपरासी पूर्व देवचुली न.पा. १६ रजहर बस्ने वर्ष अन्दाजी ५५ / ६० की पार्बती लोहनी ।
२.जिल्ला लम्जुङ बेसीसहर न.पा. २ भकुण्डे बस्ने वर्ष अन्दाजी ५५ की चुना धिताल ।
३. जिल्ला नवलपरासी पूर्व देवचुली न.पा. १६ रजहर बस्ने वर्ष अन्दाजी ३५ की सबिना धिताल ।
४. जिल्ला नवलपरासी पूर्व देवचुली न.पा. १६ रजहर बस्ने वर्ष अन्दाजी ११ को सबिस लोहनी ।
५. जिल्ला नवलपरासी पूर्व देवचुली न.पा. १६ रजहर बस्ने वर्ष अन्दाजी २.५ को ईसव लोहनी ।
६. जिल्ला नवलपरासी पूर्व देवचुली न. पा. १६ रजहर बस्ने वर्ष अन्दाजी ६५ को कृष्ण बहादुर लोहनी ।