- बिहिवार, कार्तिक २० गते २०८३
TRENDING
काठमाण्डौ, १५ माघ । नेपालमा भ्रष्टाचार बढ्दै गएको एक तथ्याङ्कले देखाएको छ। ट्रान्सपरेन्सी इन्टरनेसनलले सन् २०२० मा भष्ट्रचारको अवस्थाबारे अध्ययन गरी तयार पारेको प्रतिवेदनअनुसार नेपाल सबैभन्दा बढी भष्ट्रचार हुने देशको सूचीमा ६३ औँ स्थानमा रहेको छ। नेपाल गत वर्ष ६७ औँ स्थानमा रहेको थियो । नेपाललाई एक सय पूर्णाङ्कमा केवल ३३ अंक दिइएको छ।
सबैभन्दा बढी भ्रष्टाचार हुने देशको सूचीमा सोमालिया र दक्षिण सुडान रहेका छन् । उनीहरुले सय पुर्णाङ्कमा १२ अंक पाएका छन्। भष्ट्रचार हुने देशहरुको सूचीमा नेपाल एक सय १७ औँ स्थानमा छ। गत वर्ष नेपाल एक सय १३ औँ स्थानमा रहेको थियो ।
सबैभन्दा कम भ्रष्टाचार हुने देशको सूचीमा डेनमार्क र न्यूजिल्यान्ड संयुक्तरुपमा शीर्षस्थानमा छन्। उनीहरुले सय पूर्णाङ्कमा समान ८८ अंक पाएका छन्। प्रतिवेदनअनुसार अध्ययन गरिएका एक सय ८० मुलुकमध्ये दुई तिहाईभन्दा बढी देशले सय पूर्णाङ्कमा ५० भन्दा कम अंक पाएका छन्।
विश्व बैंक, वल्र्ड इकोनोमिक फोरम, ग्लोबल इनसाइट, बर्टेल्सम्यान फाउन्डेसन, वल्र्ड जस्टिस प्रोजेक्स र भीडीईएमसमेत गरी ६ वटा संस्थाले गरेका सर्वेक्षणका आधारमा प्रतिवेदन तयार भएको ट्रान्सपरेन्सी इन्टरनेसनलले जनाएको छ।नेपालमा भ्रष्टाचार थप मौलाउनुमा राज्यका प्रमुख अङ्गहरुमा निजि स्वार्थहरु हावी हुनु कारण औँल्याइएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
