- बिहिवार, कार्तिक २० गते २०८३
TRENDING
जीतसागर जी.एम., दाङ, १५ माघ । भूमिहिन दलित सुकुम्बासीलाई लालपुर्जा वितरणका लागि दाङको बबई गाउँपालिकाले जग्गा नाप नक्साङ्कनको काम शुरु गरेको छ । गाउँपालिकाले हिजो वडा नम्बर ५ को रिमखोलीबाट जग्गा नापको काम शुभारम्भ गरेको हो ।
गाउँपालिकाले वडा नम्बर पाँचका दोलख डाँगीको जग्गाका नाप गरेर नाप नक्साङ्कनको काम शुरुवात गरेको छ । भूमिहिन सुकुम्वासी र अव्यवस्थित बसोबासीलाई लालपुर्जा वितरणका लागि गाउँपालिकाले दोस्रो चरणमा नाप नक्साङ्को काम शुरु गरेको गाउँपालिका अध्यक्ष भुवनेश्वर पौडेलले बताउनुभयो । जग्गा नाप नक्साङ्कन गर्ने स्थानीय तहमा देशभरमै बबई गाउँपालिका अघि रहेको र लालपुर्जा वितरणको काम पनि सबैभन्दा पहिले गर्ने अध्यक्ष पौडेलले बताउनुभयो ।
गाउँपालिकाले सात वटै वडामा तीन महिनाभित्र जग्गा नापको कामलाई सक्ने गरि काम अघि बढाएको अध्यक्ष पौडेलले बताउनुभयो । जग्गा नाप नक्साङ्कनपछिमात्रै लालपुर्जा वितरणको काम ३५ दिनभित्र हुने पौडेलले बताउनुभयो । गाउँपालिकामा भूमीहीन सुकुमबासी तथा अव्यस्थित बसोबासी ४ हजार बढी रहेको भूमि समस्या समाधान आयोग बबई गाउँपालिका इकाई प्रमुख चन्द्रबहादुर वलीले बताउनुभयो ।
उहाँका अनुसार वडा नम्बर १ मा ८ सय १५, वडा नम्बर २ मा ५ सय१३, वडा नम्बर ३ मा ३ सय९७, वडा नम्बर ४ मा ५ सय ७५, वडा नम्बर ५ मा ८ सय ५ वडा नम्बर ६ मा ५ सय ७१ र वडा नम्बर ७ मा ७ सय ८४ भूमिहिन सुकुमबासी तथा अव्यवस्थित बसोबासी रहेका छन् ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
