गुल्मीमा पक्राउपुर्जी जारी भएको दुई महिनासम्म पनि आरोपित समातिएनन्

सिआईएन

१०, माघ २०७७

गुल्मीमा पक्राउपुर्जी जारी भएको दुई महिनासम्म पनि आरोपित समातिएनन्

हुमाकान्त पोखरेल, गुल्मी, १० माघ । गुल्मीमा अदालतले पक्राउ पुर्जी जारी गरेको दुई महिना बितिसक्दा पनि आरोपित प्रहरी नियन्त्रणमा आउन सकेका छैनन् । जिल्लाको गुल्मी दरबार गाउँपालिका वडा नम्बर ४ का ३८ वर्षका नारायण पाध्या शर्मा चुदालीलाई प्रहरीले अझैसम्म पनि पक्राउ गर्न सकेको छैन ।
आरोपित चुदाली विरुद्ध जिल्ला प्रहरी कार्यालय, गुल्मीमा गत मंसिर ८ गते मानव बेचविखन विरुद्धको मुद्दा दर्ता भयो । त्यसपछि पीडितको बयानका आधारमा जिल्ला अदालतले मंसिर १० गते उनको नाममा पक्राउ पुर्जी समेत जारी ग¥यो । तर, आरोपित गाउँमै डुलेर बस्दासमेत प्रहरीले उनलाई पक्राउ गर्न सकेको छैन ।
गत कात्तिक २६ गते चुदालीले रुरुक्षेत्र गाउँपालिका– ४ बलेटक्सारकी १७ वर्षका किशोरीलाई आफ्नो घर लगेका थिए । किशोरी र चुदाली नाताले साली भिनाजु पर्छन । मंसिर १ गते भाईटिकापछि आफ्नो घर बलेटक्सार जानका लागि मोटरसाइकलमा हिँडेका थिए । तर, छत्रकोट गाउँपालिकाको चोयघामा एक प्रकारको पेय पदार्थ खान दिएर गोरखपुर पु¥याएको पीडितको बयानमा उल्लेख गरिएको छ । बालिकालाई गोरखपुरको राजहोटलमा ५ दिनसम्म करणी गरेको तथा बन्धक बनाएर राखेको पीडितको निवेदनमा उल्लेख गरिएको छ । शर्मा विरुद्ध मानव बेचबिखनको मुद्दा दर्ता गरिएको छ ।