- बिहिवार, कार्तिक २० गते २०८३
TRENDING
काठमाण्डौ, ६ माघ । अख्तियार दुरुपयोग अनुसन्धान आयोगका पूर्वप्रमुख आयुक्त दीप बस्न्यातको मुद्दामा सर्वोच्च अदालतले कैफियत प्रतिवेदन मागेको छ । बालुवाटारको ललिता निवास जग्गा प्रकरणमा पुर्पक्षका लागि थुनामा पठाउने विशेष अदालतको आदेशविरुद्ध परेको रिटमा अदालतले कैफियत प्रतिवेदन माग्ने आदेश दिएको हो ।
न्यायाधीश हरि फुयाँलको इजलासले कैफियत प्रतिवेदन मागेको आदेशको अदालतको वेवसाइटमा उल्लेख छ । उहाँलाई २८ मंसिरमा पुर्पक्षका लागि थुनामा पठाउन आदेश भएको थियो । हाल उहाँ डिल्लीबजार कारागारमा हुनुहुन्छ । बस्न्यात अख्तियारको आयुक्त हुनुअघि भौतिक पूर्वाधार तथा यातायात मन्त्रालयको सचिव हुनुहुन्थ्यो । त्यही बेला उहाँले ललिता निवाससम्बन्धी फाइलको टिप्पणी उठाउने, सही गर्ने काम गर्नुभएको थियो ।
उहाँविरुद्ध अख्तियारले ९ करोड ६५ लाख रुपैयाँ विगो माग गरी २०७६ माघ २२ गते मुद्दा दायर गरेको थियो । ललिता निवास प्रकरणमा अख्तियारले बस्नेत सहित १ सय ७५ जना विरुद्ध मुद्दा दायर गरेको थियो, जसमध्ये १ सय १० जनालाई भ्रष्टाचारको कसुरमा र ६५ जनालाई जग्गा जफत गर्ने प्रयोजनका लागि प्रतिवादी बनाइएको थियो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
