कुरिनटार । चितवनको इच्छाकामना ४ कुरिनटारको धारापानी स्थित त्रिशुली नदीमा हेमपाइप राख्ने र बाटो निर्माणको काम रोकिदिएको छ । गोरखाको शहिद लखनगाउँपालिका ४ ठेउवाटारबाट नदीजन्य पदार्थ ओसारपसारका लागि चितवनको इच्छाकामनाको बाटो प्रयोग गर्ने गरि ठेकेदार कम्पनीले त्रिशुली नदीमा हेमपाइप राख्ने र बाटो निर्माण कार्य सुरु गरेका थिए । तर मंगलबार बागमती प्रदेश सांसद कृष्ण सिलवालले उक्त कार्य रोकिदिएका छन् । उनले धारापानी स्थितद त्रिशुली नदी किनार स्थानियको दाहसंस्कार गर्ने ठाउँ रहेको र यहाँको बाटो प्रयोग गर्दा वातावरणीय असर पर्ने भएकाले कुनै हालतमा प्रयोग गर्न नदिने जिकिर गरे । त्रिशुली नदी यहाँको सभ्याता भएकाले यसलाई संरक्षण गर्ने सबैको दायित्व रहेको र संरक्षणका लागि लागीपर्नें बताए । गाउँपालिकाले अनुमती दिएको भन्ने आफुले सुनेको भन्दै सांसद सिलवालले कसैलाई पनि अनुमती दिने अधिकार नभएको बताए । यस विषयमा बुझ्न गाउँपालिका अध्यक्षलाई आफुले फोन गरेको तर फोन नउठाएको उनले आरोप बताए । तर गाउँपालिका अध्यक्ष दान बहादुर गुरुङले अनुमती नदिएको जिकिर गरे । उनले शहिद लखन गाउँपालिकाले सहजीकरण गर्न अनुमती मागेको र स्थानीयको आवागमन, वातावरण र इच्छाकामनाको प्राकृतिक स्रोतसाधन नदीजन्य पदार्थलाई असर नपर्ने गरि सहजीकरण गर्न भनेको तर स्थान भने नतोकिएको बताए । उनले यस विषयको सांसद, प्रमुख जिल्ला अधिकारी सबैलाई जानकारी गराएको बताए । ठेकेदार कम्पनीका प्रतिनिधिले भने सहमती अनुसार आफुहरुले इच्छाकामनाको स्थानिय र यहाँको प्राकृतिक स्रोतसाधनलाई कुनै असर नपु¥याई बाटो निर्माण र नदीमा हेमपाइप राख्ने कार्य सुरु गरिएको बताएका छन् । गाउँपालिकाले यस अघि ठेकेदार कम्पनी त्रियुग निर्माण सेवा कम्पनीलाई अनुमती पत्र पठाएका थिए । पत्रमा गोरखाको शहिद लखन गाउँपालिको आग्रह अनुसार इच्छाकामना गाउँपालिकाको बाटो प्रयोग गर्दा नदीजन्य पदार्थ ओसारपसार गर्ने क्रममा यसको पालिकाका नदीजवन्य पदार्थको हानी नोक्सानी नहुने र स्थानीय स्तरको वातावरण एंव आवागमनमा प्रतिकुल प्रभाव नपर्ने गरि ढुवानी गर्न अनुमती प्रदान गरिएको भनिएको छ । पत्रमा सहजीकरण गरिदिन इच्छाकामना गाउँपालिका ४ को वडा कार्यालय कुरिनटारलाई भनेको छ ।