शिक्षा

आँबुखैरेनीमा रामशाह स्काउट मित्रता आवाशिय क्याम्प आजबाट सुरु

इच्छाकामना न्युज

२३, मंसिर २०७९

आँबुखैरेनी । तनहुँको आँबुखैरेनीमा रामशाह स्काउट मित्रता आवाशिय क्याम्प आजबाट सुरु भएको छ । आँबुखैरेनी-३, स्थित रामशाह माविको प्राङ्गणमा विद्यार्थीहरुको शारिरिक, मानसिक, सामाजिक तथा चारित्रिक व्यवहारमा सकारात्मक परिवर्तनका निम्ती सो क्याम्प सुरु भएको हो ।

क्याम्पको एक कार्यक्रमकाबीच आँबुखैरेनी गाउँपालिका अध्यक्ष शुक्र चुमानले उद्घाटन गर्नुभएको छ । १ रात २ दिन सम्म चल्ने क्याम्पमा स्काउट विद्यार्थीहरुका लागि प्राथमिक उपचार प्रशिक्षण, वेच संचालन, योग सम्बन्धि कक्षा, मार्सल आर्ट प्रयोगात्मक अभ्यास, म पनि बोल्छु शिर्षक कार्यक्रम, क्याम्प फायर, शारिरिक व्याम, पिटी, स्काउट धर्म सभा, हाईकिङ्ग, हन्टीङ्ग, ट्राफिक सचेतना लगाएतका कार्यक्रम संचालन गरिने स्काउट शिक्षिका पम्फा श्रेष्ठले बताउनुभयो ।

रामशाह माध्यमिक विद्यालयका प्रधानाध्यापक एवंम रामशाह स्काउट इकाईका संरक्षक प्रेमराज लामिछानेको सभापत्विमा संचालन भएको क्याम्प उद्घाटन कार्यक्रममा आँबुखैरेनी गाउँपालिका अध्यक्ष शुक्र चुमान, इलाका प्रहरी कार्यालय आँबुखैरेनीका प्रहरी प्रमुख गायत्रि राज शर्मा, शिक्षा शाखा प्रमुख निर्मला कुवँर, विकास बोर्डका सदस्य सचिव किशोर सुबेदी, वडा नं. ४ का वडाअध्यक्ष मिलन भूजेल, विद्यालय व्यवस्थापन समितीका अध्यक्ष सन्त बहादुर के.सी, शिक्षक अभिभावक संघका अध्यक्ष दया किशोर मिश्र, सोतो कान कराते प्रशिक्षक जिबी राना लगाएतको सहभागिता रहेको स्काउट शिक्षक पृथ्वी बहादुर गुरुङ्गले जानकारी दिनुभयो ।