- मंगलवार, कार्तिक १८ गते २०८३
TRENDING
चितवन । मंसिर ४ नजिकिँदै गर्दा चितवनमा पार्टी प्रवेशको लहर राम्रैसँग चलेको छ। यही क्रममा आइतबार भरतपुरका ५० जना युवा एकसाथ राष्ट्रिय प्रजातन्त्र पार्टी (राप्रपा)मा प्रवेश गरेका छन्। राप्रपाको पछिल्लो समय देखिएको सक्रियता र कार्यकौशलले आफूहरुलाई आकर्षित गरेपछि पार्टीमै बसेर काम गर्ने योजनाका साथ प्रवेश गरिएको अमृत बराई मगरले जानकारी दिनुभयो।
भरतपुर–९ स्थित झेर्नी मगर समूहसँगको चुनावी भेटघाट कार्यक्रममा राप्रपाका केन्द्रीय वरिष्ठ उपाध्यक्ष एवम् पूर्वमन्त्री विक्रम पाण्डेमार्फत उनीहरु राप्रपामा प्रवेश गरेका हुन्। उक्त कार्यक्रममार्फत केही दलका कार्यकर्ता तथा केही स्वतन्त्र व्यक्तिहरु पार्टीमा भित्रिएको राप्रपा चितवनका प्रवक्ता राजु भण्डारीले बताउनुभयो।
एकै दिन ५० जना युवाले पार्टीमा आवद्धता लिएपछि त्यसबाट राप्रपालाई प्रत्यक्ष फाइदा पुगेको उहाँले बताउनुभयो। पार्टीप्रतिको आकर्षण बढ्दै गएको देख्दा भोलिका दिनमा राप्रपा पनि मुख्य पार्टी बन्ने दौडमा छ भन्ने बुझाएको उहाँको भनाइ छ।
यसपटकको निर्वाचनमा राप्रपाबाट प्रतिनिधि सभाका लागि चितवन क्षेत्र नं. ३ बाट विक्रम पाण्डे उम्मेदवार हुनुहुन्छ भने प्रदेश सभाको (१) मा राप्रपाका बागमती प्रद्येश उपाध्यक्ष ज्ञानुजंग लामा र (२) मा पार्टीकै केन्द्रीय सह–महामन्त्री रीना गुरुङ उम्मेदवारको रुपमा चुनावी घरदैलोमा हुनुहुन्छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
