अछाममा बैंक मार्फत सामाजिक सुरक्षाभत्ता लिन नागरिकलाई समस्या

सिआईएन

१८, पौष २०७७

अछाममा बैंक मार्फत सामाजिक सुरक्षाभत्ता लिन नागरिकलाई समस्या

एकेन्द्र खत्री, अछाम, १८ पुस । अछाममा बैंक मार्फत सामाजिक सुरक्षाभत्ता लिन समस्या भएको छ । जेष्ठ नागरिक तथा सामाजिक सुरक्षा प्राप्त गर्दै आएका नागरिकले बैंक मार्फत् भत्ता लिन झन्झटिलो भएको गुनासो गरेका छन् ।
गृह मन्त्रालयको कार्तिक २४ गतेको बैठकले मंसीर १ गतेदेखी सामाजिक सुरक्षा भत्ता अनिवार्य रुपमा बैंक मार्फत भुत्तानी गर्ने निर्णय ग¥यो, त्यही अनुसार अछाममा पनि बैंक मार्फत सामाजिक सुरक्षा भत्ता वितरण सुरु भएको छ । तर सेवाग्राही दिनभरी लाई बस्दा पनि भत्ता पाउन गाह्रो भएको गुनासो गरेका छन् । अछामको छातासैनका मोती सिंह नगार्जीले बैंकबाट भत्ता लिन असजिलो भएको बताउनुभयो ।
सामाजिक सुरक्षा भत्ता लिनका लागि सिभिल बैंक जयगढमा आईपुग्नु भएका एकजना जेष्ठ नागरिक पार्वती आउजी भोकभोकै दिनभरी लाईन बस्दा पनि भत्ता नपाएको दुखेसो गर्नुहुन्छ । अन्य सेवाग्राहिले समेत सामाजिक सुरक्षा भत्ता बैँक मार्फत निकै झन्झटिलो भएको र आफुहरुलाई निकै समस्या भएकाले वडा कार्यालय मार्फत नै भत्ता बितरण गर्नुपर्ने बताएका छन् ।
बैंक मार्फत सामाजिक सुरक्षा भत्ता बुझ्न समस्या भएको सेवाग्राहीको गुनासोमा बान्नीगढी जयगढ गाउँपालिकाका प्रमुख प्रशासकीय अधिकृत सैलेशराज ढुंगाना यसो भन्नुहुन्छ । बैंक मार्फत सामाजीक सुरक्षा भत्ता लिन आउने सेवाग्राहिको भीडले कोरोना संक्रमणको जोखीम समेत बढेको छ । बैंक रहेको स्थान जयगढमा दैनिक करिब २ सय जनासम्म जेष्ठ नागरिक आउने गरेका छन् ।
उनीहरुले मास्क समेत लगाएका हुँदैनन् भने एकअर्का बीचको भौतिक दुरी समेत कायम गरेका हुँदैनन् ।